ଲାଖବିନ୍ଧାରେ ଜଳିଗଲା ୨ ବଖରା ଘର
ଲାଖବିନ୍ଧାରେ ଜଳିଗଲା ୨ ବଖରା ଘର
ହାଟଡିହି କେନ୍ଦୁଝର ଜିଲ୍ଲା ହାଟଡିହି ବ୍ଲକ ଜମିରା ପଞ୍ଚାୟତ ଲାଖବିନ୍ଧା ଗ୍ରାମର ବିଧବା ମହିଳା ଗୀତା ନାୟକଙ୍କର ଦୁଇ ବଖରା ଘର ଜଳିଯାଇଛି । ଖବରରୁ ଜଣାଯାଇଛି ଗୀତା ନାୟକ ଝିଅ ବାହାଘର ପାଇଁ ସମସ୍ତ ସାମଗ୍ରୀ ଓ ସୁନା ରୁପା ଘରେ ମହଜୁତ ରଖିଥିଲେ। ଆଉ କିଛିଦିନ ପରେ ଝିଅ ବାହାଘର କରିଥାନ୍ତେ । କିନ୍ତୁ ଗତକାଲି ରାତିରେ ତାଙ୍କ ଘରଟି ନିଆଁଲାଗି ଜଳିଯାଇଛି। ଏହାକୁ ନେଇ ସେ ନିଜର ଭାରସାମ୍ୟ ହରାଇଥିବା ବେଳେ ଅସହାୟ ହୋଇପଡ଼ିଛନ୍ତି। ତା’ଛଡ଼ା ଘରେ ବନ୍ଧା ହୋଇଥିବା ୪ଟି ଛେଳି ଓ କୁକୁଡ଼ା ଜୀବନ୍ତ ଦଗ୍ଧ ହୋଇଛନ୍ତି। ଏବେ ମା ଝିଅ କେଉଁଠି ରହିବେ ଓ କିଭଳି ଝିଅ ବାହାଘର କରିବେ ତାକୁ ନେଇ ଗୀତା ଚିନ୍ତାଗ୍ରସ୍ତ ହୋଇପଡ଼ିଛନ୍ତି।
(ସୋମେଶ ପରିଡ଼ା ଙ୍କ ରିପୋର୍ଟ ହାଟଡିହି ରୁ)
