ପାରଳାଖେମୁଣ୍ଡିରେ ପଣ୍ଡିତ ଦୀନଦୟାଲ ଉପାଧ୍ୟାୟ ଜୀଙ୍କ ୧୧୦ତମ ଜନ୍ମବାର୍ଷିକୀ ପାଳିତ

ଆଜି, ମହାନ ଜାତୀୟତାବାଦୀ ଚିନ୍ତାନାୟକ, ଦାର୍ଶନିକ ଏବଂ ଅଖଣ୍ଡ ମାନବବାଦ (ଏକାତ୍ମା ମାନବବାଦ)ର ମାର୍ଗଦର୍ଶକ ଜ୍ୟୋତି, ପଣ୍ଡିତ ଦୀନଦୟାଲ ଉପାଧ୍ୟାୟ ଜୀଙ୍କ ୧୧୦ତମ ଜୟନ୍ତୀ ପାଳନ ଅବସରରେ ପାରଳାଖେମୁଣ୍ଡି ସ୍ଥିତ ଦୋଳ ଟ୍ୟାଙ୍କ ରୋଡରେ ଥିବା ଜିଲ୍ଲା ବିଜେପି ପକ୍ଷରୁ ସ୍ଥାନୀୟ ବିଜେପି ଜିଲ୍ଲା କାର୍ଯ୍ୟାଳୟ ଠାରେ ଏକ ସ୍ମୃତିଚାରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।

ଏହି ଶୁଭ ଅବସରରେ ଶ୍ରୀ କେ. ନାରାୟଣ ରାଓ (ରାଜ୍ୟ ଉପାଧ୍ୟକ୍ଷ, ବିଜେପି), ଶ୍ରୀ ଜଗନ୍ନାଥ ମହାପାତ୍ର (ଜିଲ୍ଲା ସାଧାରଣ ସମ୍ପାଦକ) ଶ୍ରୀ ଇ. ପ୍ରଶାନ୍ତ (ଜିଲ୍ଲା ସାଧାରଣ ସମ୍ପାଦକ – ସଂଗଠନ) ମଣ୍ଡଳ ସଭାପତିଙ୍କ ସମେତ ଦଳର ବରିଷ୍ଠ ନେତା ଓ ଉତ୍ସାହୀ କର୍ମୀମାନେ ବହୁ ସଂଖ୍ୟାରେ ଉପସ୍ଥିତ ରହି, ସେହି ଦୂରଦୃଷ୍ଟି ସମ୍ପନ୍ନ ନେତାଙ୍କ ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଯାହାଙ୍କ କି, ଅନ୍ତ୍ୟୋଦୟର ନୀତି (ଧାଡ଼ିରେ ଥିବା ଶେଷ ବ୍ୟକ୍ତିଙ୍କୁ ଉତ୍ଥାପନ କରିବା) ଆମ ଦେଶର ପ୍ରଗତିକୁ ମାର୍ଗଦର୍ଶନ କରିଆସୁଛି। ପରେ ତାଙ୍କର ମହାନ ବ୍ୟକ୍ତିତ୍ୱର ବିଭିନ୍ନ ଦିଗ ସମ୍ପର୍କରେ ଆଲୋଚନା କରିବା ସହିତ ତାଙ୍କର କର୍ମମୟ ଜୀବନ ଉପରେ ସ୍ମୃତିଚାରଣ କରିଥିଲେ ।

—————————————–

ଗଣେଶ କୁମାର ରାଜୁ

ପାରଳାଖେମୁଣ୍ଡି(ଗଜପତି)

——————————————