ଆୟୁଷ୍ମାନ ଭବ ସାପ୍ତାହିକ ସ୍ୱାସ୍ଥ୍ୟ ସେବା
ଆୟୁଷ୍ମାନ ଭବ ସାପ୍ତାହିକ ସ୍ୱାସ୍ଥ୍ୟ ସେବା
====================
ତିର୍ତ୍ତୋଲ :-ଝଙ୍କଡ଼ ଶାରଳାପୀଠ ରେ କନକପୁର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ତରଫରୁ ” ଆୟୁଷ୍ମାନ ଭବ” ସାପ୍ତାହିକ ସ୍ୱାସ୍ଥ୍ୟ ସେବା କାର୍ଯ୍ୟକ୍ରମ ଡକ୍ଟର ଜୟଶ୍ରୀ ଦାସ ଙ୍କ ପ୍ରତ୍ୟକ୍ଷ ତତ୍ବାବଧାନରେ ଗତ ସୋମବାର ଦିନ ମେଡ଼ିକାଲ ପରିସର ମଧ୍ୟରେ ଅନୁଷ୍ଠିତ ହୋଇଯାଇଛି । ଏଥିରେ ଅଙ୍ଗଦାନ କରିବା ନିମନ୍ତେ ସାଧାରଣ ଲୋକମାନଙ୍କ ମଧ୍ୟରେ ଆଗ୍ରହ ଓ ଉତ୍ସାହ ସୃଷ୍ଟି କରିବା ସହିତ , ଶିଶୁ ଠାରୁ ଆରମ୍ଭ କରି ବୃଦ୍ଧ ବୃଦ୍ଧା ମାନଙ୍କ ପ୍ରତି ସ୍ୱାସ୍ଥ୍ୟ ସେବା ପ୍ରତି ସଚେତନତା ସୃଷ୍ଟି କରିବା ପାଇଁ ଆଶା କର୍ମୀ ମାନଙ୍କୁ ପରାମର୍ଶ ଦିଆଯାଇଥିବା ବେଳେ ଡକ୍ଟର ସୁଶ୍ରୀ ସଙ୍ଗୀତା ରଥ , ଦୀପକ ଦାସ , ଯୋଗ ପରୀକ୍ଷକ ଅନିତା ପାଇଟାଳ ଓ ଚିନ୍ମୟୀ ମହାନ୍ତି ପ୍ରମୁଖ ସ୍ୱାସ୍ଥ୍ୟ ହିଁ ସମ୍ପଦ, ତେଣୁ ଉତ୍ତମ ସ୍ୱାସ୍ଥ୍ୟବାନ ବ୍ୟକ୍ତି ହିଁ ସବୁଠାରୁ ବଡ଼ ସମ୍ପଦର ଅଧିକାରୀ ହୋଇଥାଏ ବୋଲି କହିଥିଲେ । ଅନ୍ୟମାନଙ୍କ ମଧ୍ୟରେ ନୃସିଂହ ଚରଣ ସେଠୀ , ନାରାୟଣ ପ୍ରସାଦ ସ୍ୱାଇଁ , ବିଶ୍ୱଜିତ୍ ସ୍ୱାଇଁ ପ୍ରମୁଖ ଏହି କାର୍ଯ୍ୟକ୍ରମ ପରିଚାଳନା କରିବା କ୍ଷେତ୍ରରେ ସକ୍ରିୟ ସହଯୋଗ କରିଥିବାର ଦେଖିବାକୁ ମିଳିଥିଲା। ଆଶା କର୍ମୀ ମାନଙ୍କ ମଧ୍ୟରେ ସୁପ୍ରିୟା ମଲ୍ଲିକ , ମାଣିକ ଘଡେଇ ପୂଜାରାଣୀ ହାପି , ସମିନା ରାଉତ, ମମତା ସାହୁ ଓ କମଳା ମଲ୍ଲିକ ପ୍ରମୁଖ ଏହି କାର୍ଯ୍ୟକ୍ରମ ରେ ଅଂଶ ଗ୍ରହଣ କରିଥିବାବେଳେ , ଦେବେନ୍ଦ୍ର ମହାନ୍ତି , ରମାକାନ୍ତ ରାଉଳ ,ଦିପରାଜ୍ ସିଂହ , ଶୁଭଲକ୍ଷ୍ମୀ ସିଂହ, ତପନ ଦାସ ଓ ସର୍ବେଶ୍ଵର ଭଟ୍ଟ ପ୍ରମୁଖ ଶତାଧିକ ସ୍ଥାନୀୟ ଅଞ୍ଚଳର ଅଧିବାସୀ ମାନେ ଏଥିରେ ସାମିଲ ହୋଇ ଥିବାର ଦେଖିବାକୁ ମିଳିଥିଲା !
ଜଗତସିଂହପୁର ରୁ ଶରତ କୁମାର ଦାଶଙ୍କ ରିପୋର୍ଟ ନ୍ୟୁଜ ଉପାନ୍ତ ଓଡିଶା !
