ଗଛକୁ ପିଟିଲା ଟ୍ରକ, ଡ୍ରାଇଭର ଗୁରୁତର

ବୁଗୁଡ଼ା : ତା ୨୫/୦୨/୨୩ : ବୁଗୁଡ଼ା -ପୋଲସରା ରାସ୍ତାର ଗୋଲିଆ ଗାଁ ନିକଟସ୍ଥ ମୋହିଦଣ୍ଡା ଠାରେ ଟ୍ରକ ଦୁର୍ଘଟଣାରେ ଡ୍ରାଇଭର ଗୁରୁତର ଆହତ ହୋଇଥିବା ଜଣାଯାଇଛି l ଆହତ ଡ୍ରାଇଭର ଜଣକ ହେଲେ ବୁଗୁଡ଼ା ଥାନା ଅନ୍ତର୍ଗତ ଗୋଳାବନ୍ଧ ଗ୍ରାମର ରାଜେନ୍ଦ୍ର ଜେନା l ରାଜେନ୍ଦ୍ର ଆଜି ସକାଳେ ଶାସନ ସ୍ଥିତ ପେଟ୍ରୋଲ ପମ୍ପରୁ ତେଲ ପକାଇ ବୁଗୁଡ଼ା ଅଭିମୁଖେ ଆସୁଥିବା ବେଳେ ରାସ୍ତା କଡ଼ରେ ଥିବା ଏକ ବିରାଟ କାକପୋଇ ଗଛ ସହ ଧକ୍କା ହୋଇଥିଲା l ଦୁର୍ଘଟଣାରେ ରାଜେନ୍ଦ୍ରଙ୍କ ମୁଣ୍ଡରେ ଗୁରୁତର ଆଘାତ ଲାଗିଥିଲା l ଖବର ପାଇ ଘଟଣା ସ୍ଥଳରେ ଆମ୍ବୁଲାନ୍ସ ପହଞ୍ଚି ତାଙ୍କୁ ଉଦ୍ଧାର କରିବା ସହ ବ୍ରହ୍ମପୁର ବଡ଼ ମେଡିକାଲକୁ ପଠାଇଥିବା ଜଣା ପଡିଛି l