ଟ୍ରେନ ରୁ ପଡ଼ି ଯବାନ ଙ୍କ ମୃତ୍ୟୁ ଘଟଣା ଶୋକାକୁଳ ପରିବେଶ ମଧ୍ୟରେ ଯବାନ ଙ୍କ ଶେଷକୃତ୍ୟ ସମ୍ପନ୍ନ —-
ବ୍ରହ୍ମପୁର ,ଗଞ୍ଜାମ ଜିଲ୍ଲା ପାତ୍ରପୁର ବ୍ଳକ ସୁରଙ୍ଗି ପଞ୍ଚାୟତ ଷୋଳଭାଗ ପେଣ୍ଠ ଗ୍ରାମର ଜଣେ ଯବାନ ଟ୍ରେନରୁ ଖସି ପଡ଼ି ପ୍ରାଣ ହରାଇଥିବା ଜଣାପଡ଼ିଛି। ମୃତ ଯବାନ ହେଲେ ପାଣୁ ଚନ୍ଦ୍ର ବେହେରା (୨୪ ବର୍ଷ)। ସେ ତିନି ବର୍ଷ ପୂର୍ବେ ଚାକିରୀରେ ଯୋଗ ଦେଇ କଲିକତାରେ କାର୍ଯ୍ୟ କରୁଥିଲେ। ଷୋମବାର ସେ ଛୁଟି ନେଇ ନିଜ ଗ୍ରାମକୁ ଆସୁଥିବା ନେଇ ଘରକୁ ଫୋନ କରିଥିଲେ। ସେ ଟ୍ରେନ ରେ ଘରକୁ ଆସୁଥିବା ବେଳେ ସାମି ଷ୍ଟେସନରେ ଖସିପଡ଼ି ପ୍ରାଣ ହରାଇଥିଲେ। ପାଣୁ ଙ୍କ ମୃତ୍ୟୁ ଖବର ଜଣାପଡ଼ିବା ପରେ ଅଞ୍ଚଳରେ ଶୋକ ର ଛାୟା ଖେଳି ଯାଇଥିଲା। ଆଜି ପାଣୁ ଙ୍କ ପାର୍ଥିବ ଶରୀର ଗ୍ରାମରେ ପହଞ୍ଚିବା ପରେ ହଜାର ହଜାର ଜନସାଧାରଣ ଏକ ମୋଟର ସାଇକେଲ ଶୋଭାଯାତ୍ରା ରେ ନେଇ ଗ୍ରାମ ଶ୍ମଶାନରେ ବିଭାଗ ପକ୍ଷରୁ ଗାର୍ଡ ଅଫ ଅନର ଦେଇ ଶେଷ କୃତ୍ୟ ସଂପନ୍ନ ହୋଇଛି। ଏହି ଶେଷ କୃତ୍ୟରେ ଗୋପାଳପୁର ଏଡି ସେଣ୍ଟର୍ କର୍ମଚାରୀ ପାର୍ଥିବ ଶରୀରକୁ ପରିବାର କୁ ହସ୍ତାନ୍ତର କରିବା ସହ ଗାର୍ଡ ଅଫ ଅନର ଦେଇଛନ୍ତି। ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଥିବା ଦେଖିବାକୁ ମିଳିଥିଲା।( ନୁରୁଲ୍ ମଲ୍ଲିକ)
