ଅସ୍ତରଙ୍ଗରେ ନୂତନ ପେଟ୍ରୋଲ ପମ୍ପ ଉଦଘାଟିତ

ଅସ୍ତରଙ୍ଗ୨୨/୦୨/ ଅସ୍ତରଙ୍ଗ ବଜାରରେ ନାୟାର କମ୍ପାନୀର ଶିବାନି ନାମରେ ଏକ ନୂତନ ପେଟ୍ରୋଲ ପମ୍ପ ବୁଧବାର ଦିନ ଉଦଘାଟିତ ହୋଇଯାଇଛି।ସକାଳ ୯ ଟାରେ କମ୍ପାନୀ ଅଧିକାରୀ ଏଚ ଓ ସାଗର ତଲୱାର ,ଜୋନାଲ ମୁଖ୍ୟ ସରଜିତ କର, ସତ୍ଵାଧିକାରୀ ବିପିନି ମହାନ୍ତି ପ୍ରମୁଖଙ୍କ ଉପସ୍ଥିତରେ ପମ୍ପକୁ ଶୁଭ ଉଦଘାଟନ କରିଥିଲେ।ଅସ୍ତରଙ୍ଗ ଅଞ୍ଚଳରେ ପେଟ୍ରୋଲ ପମ୍ପ ନ ଥିବାରୁ ସାଧାରଣ ଲୋକ ଦୀର୍ଘ ୯ କିମି ବାଟ ଯାଇ ପେଟ୍ରୋଲ ପକାଉଥିଲେ।ଏହି ସମସ୍ୟା ଏବେ ସବୁଦିନ ପାଇଁ ଦୂର ହୋଇଛି।ନିର୍ଦ୍ଧାରିତ ମୂଲ୍ୟରେ ଜନସାଧାରଣଙ୍କୁ ଉର୍ଣ୍ଣତ ମାନର ଡିଜେଲ ଓ ପେଟ୍ରୋଲ ଯୋଗାଇ ଦିଆଯିବ ବୋଲି ଜୋନାଲ ମୁଖ୍ୟ ଶ୍ରୀ କର ସୂଚନା ଦେଇଥିଲେ।ପ୍ରଥମ ଦିନରେ ଗ୍ରାହକ ମାନଙ୍କ ପାଇଁ ଆକର୍ଷଣୀୟ ଉପହାର ମାନ ରଖାଯାଇଥିଲା।ପମ୍ପ ଖୋଲା ହେବା ପରେ ନାହିଁ ନ ଥିବା ଭିଡ ପରିଲକ୍ଷିତ ହୋଇଥିଲା।ପ୍ରଥମ ଗ୍ରାହକ ମାନଙ୍କୁ କମ୍ପାନୀ ଅଧିକାରୀ ଓ ପମ୍ପ ସତ୍ଵାଧିକାରୀ ଉତ୍ତରୀୟ ପ୍ରଦାନ କରିଥିଲେ।ଜୋନାଲ ଅଧିକାରୀ ନିଜେ ଗ୍ରାହକ ମାନଙ୍କ ଗାଡ଼ିରେ ପେଟ୍ରୋଲ ଓ ଡିଜେଲ ପକାଉଥିବାର ଦେଖିବାକୁ ମିଳିଥିଲା।

ଦୁଃଶାସନ ନାୟକ,ଅସ୍ତରଙ୍ଗ ।