ଲାଠୀ ଗ୍ରାମ ପଞ୍ଚାୟତର କିଶୋରୀ ମେଳା….
କୁକୁଡ଼ାଖଣ୍ତି,ମୁଖ୍ୟମନ୍ତ୍ରୀ ସଂପୂର୍ଣ୍ଣ ପୃଷ୍ଟି ଯୋଜନା ସୋପାନରେ ଲାଠୀ ଗ୍ରାମ ପଞ୍ଚାୟତ ଅଧୀନରେ ଥିବା ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଠାରେ କିଶୋରୀ ମେଳା ଅନୁଷ୍ଠିତ ହୋଇଥିଲା। କିଶୋରୀ ମାନଙ୍କ ସମ୍ପୂର୍ଣ୍ଣ ବୃଦ୍ଧି ଓ ବିକାଶ ଲକ୍ଷ୍ୟରେ ଏହି କାର୍ଯ୍ୟକ୍ରମ ହୋଇଥିଲା। ଉକ୍ତ କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ରାଧାମୋହନ ସେଠୀ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। କାର୍ଯ୍ୟକ୍ରମରେ ସିଡିପିଓ କୁସୁମ କୁମାରୀ ସାହୁ ସମ୍ମାନିତ ଅତିଥିଭାବେ ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ କରି କିଶୋରୀ ମେଳାରେ ଉପସ୍ଥିତ ଥିବା ସମସ୍ତ କିଶୋରୀ ମାନଙ୍କ ଉଚ୍ଚତା ଓ ଓଜନ ମାପ କରି ବି ଏମ୍ ଆଇ ବାହାର କରାଗଲା। ଏବଂ ହିମୋଗ୍ଲୋବିନ୍ ଟେଷ୍ଟ କରାଗଲା। କିଶୋରୀ ମାନଙ୍କ ଦ୍ଵାରା ଗୀତ ନାଚ ଓ ଭାଷଣ ପ୍ରତିଯୋଗିତା କରାଯାଇ ପୁରସ୍କାର ବିତରଣ କରିଥିଲେ। ଏଥିରେ ବିଭିନ୍ନ ପ୍ରକାର ସାଂସ୍କୃତିକ କାର୍ଯକ୍ରମ କରାଗଲା। ସିଡ଼ିପିଓ ସାହୁ ଉକ୍ତ ମେଳାର ଲକ୍ଷ୍ୟ ଓ ଉଦ୍ଦେଶ୍ୟ କଣ ରହିଛି ଏବଂ କେଉଁ କାର୍ଯ୍ୟ ଦ୍ଵାରା କିଶୋରୀ ମାନେ ନିଜକୁ ସଶକ୍ତ ଓ ସକ୍ଷମ କରିପାରିବେ ଏବଂ କେଉଁ କାର୍ଯ୍ୟ କିଶୋରୀ ମାନଙ୍କୁ ଖରାପ ରାସ୍ତା ଆଗକୁ ନେଇଥାଏ ସେ ବିଷୟରେ ବୁଝାଇଥିଲେ । ମୁଖ୍ୟ ମନ୍ତ୍ରୀ ସମ୍ପୂର୍ଣ୍ଣ ପୃଷ୍ଟି ଯୋଜନାରେ କିଶୋରୀ ମାନଙ୍କୁ ମିଳୁଥିବା ଖାଦ୍ୟ ବିଷୟରେ ପଚାରି ବୁଝିଥିଲେ। ଏଥିରେ ମୁଖ୍ୟବକ୍ତା ଭାବେ ଏନଜିଓ ସୁକଣ୍ଠ ପଣ୍ଡା ଯୋଗଦେଇ କିଶୋରୀ ମାନଙ୍କ ନେଇ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ସମ୍ପର୍କରେ ଆଲୋକପାତ କରିଥିଲେ । ସୂପରାଭାଇଯାର ଉଷା ପଟ୍ଟନାୟକ କାର୍ଯ୍ୟ ପରିଚାଳନା ଦାୟିତ୍ଵ ନେଇଥିଲେ। ଉକ୍ତ କାର୍ଯ୍ୟକ୍ରମରେ ସ୍ଥାନୀୟ ସୁପ୍ରଭାଇଜର ସିହଳା ସ୍ମିତାମୟୀ ପ୍ରଧାନ, ଏଏନଏମ ଲାଠି ଗିରୀଜା କୁମାରୀ ନାହାକ, C.H.O ସସ୍ମିତା ଦଳାଇ, ଅଙ୍ଗନବାଡ଼ି ଲିଡର ଲଳିତା ସାହୁଙ୍କ ସମେତ ଶୁଭଶ୍ରୀ ପାଢ଼ୀ,ସୁଜ୍ଞାନୀ ସାହୁ,ମିତା ସେଠୀ,କବିତା ପାଣିଗ୍ରାହୀ,ସଞ୍ଜୁକ୍ତା ପଣ୍ଡା, ବବିତା ବେହେରା,ମଞ୍ଜୁ କୁମାରୀ ପଣ୍ଡା,ସସ୍ମିତା ଗୌଡ଼,ଶାନ୍ତି ଲତା ବେହେରା, ଅଞ୍ଜନୀ ସାହୁ, ରସ୍ମିତା କୁମାରୀ ପାଢ଼ୀଙ୍କ ସମେତ ଲାଠୀ ଗ୍ରାମ ପଞ୍ଚାୟତର ବହୁ ଅଙ୍ଗନବାଡ଼ି କର୍ମୀ ଓ କିଶୋରୀ ବାଳିକାମାନ ଉପସ୍ଥିତ ଥିଲେ।(ପି.କୃଷ୍ଣମୂର୍ତ୍ତି )
