୨୨ତାରିଖରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ଦିବସକୁ ପାଳିବା ପାଇଁ ମୋହନାରେ ସଜବାଜ…

                                                                                                                                                                                 ଆସନ୍ତା ୨୨ରେ ଅଯୋଧ୍ୟାର ରାମ ମନ୍ଦିରରେ ପୂଜା ପାଇବାକୁ ଥିବା ଭଗବାନ ରାମଲାଲାଙ୍କ ଆଗମନକୁ ନେଇ ମୋହନା ବ୍ଲକବାସୀ ବେଶ୍ ଆନନ୍ଦିତ । ଏହି ଦିନଟିକୁ ଚାତକ ପକ୍ଷୀ ପରି ଚାହିଁ ବସିଛନ୍ତି ମୋହନାରେ ବସବାସ କରୁଥିବା ହିନ୍ଦୁ ସଂପ୍ରଦାୟର ଆବାଳ ବୃଦ୍ଧ ବନିତା । ଏହାକୁ ଦୃଷ୍ଟିରେ ରଖି ମୋହନା ସ୍ଥିତ ହନୁମାନ ମନ୍ଦିର ପରିସର ଓ ସମ୍ମୁଖ ଭାଗ ରାସ୍ତାକୁ ପରିଷ୍କାର ପରିଚ୍ଛନ୍ନ କରି ପରିବେଶକୁ ସରସ ସୁନ୍ଦର କରିବାରେ ଲାଗି ପଡ଼ିଛନ୍ତି ୫ଟି ପଞ୍ଚାୟତ ବଡ଼ଖଣି,ପିଣ୍ଡିକି, ଲିଲିଗଡ଼,ମୋହନା,କର୍ଚ୍ଚବାଡ଼ିର ହିନ୍ଦୁ ସମାଜ । ୫୦୦ ବର୍ଷ ପ୍ରତୀକ୍ଷାର ଅନ୍ତ ଘଟିଥିବା ବେଳେ ପ୍ରଭୂ ରାମଲାଲାଙ୍କ ମନ୍ଦିର ନିର୍ମାଣ ଓ ପ୍ରତିଷ୍ଠା ହେବାକୁ ଥିବାରୁ ଏହି ଦିବସରେ ପ୍ରଭୂଙ୍କ ଉଦ୍ଦେଶ୍ୟରେ ନାମଯଜ୍ଞ, ଘୃତ ଯଜ୍ଞ, ଜପଯଜ୍ଞ, ମହାମନ୍ତ୍ର ଓ ୧୦୮ ହନୁମାନ ଚାଳିଶା କରାଯିବା ସହ ୫ ହଜାରରୁ ଉର୍ଦ୍ଧ୍ବ ରାମଭକ୍ତଙ୍କୁ ପ୍ରସାଦ ସେବନର ବ୍ୟବସ୍ଥା ରହିଛି ବୋଲି ହିନ୍ଦୁ ସମାଜ ପକ୍ଷରୁ ସୂଚନା ଦିଆଯାଇଛି। ଏହାକୁ ନେଇ ମନ୍ଦିରରେ ସମସ୍ତ ହିନ୍ଦୁ ସମାଜ ଆନନ୍ଦରେ ଉଲ୍ଲସିତ ଥିବା ଦେଖିବାକୁ ମିଳୁଛି।