କଟକ ପୋତାପୋଖରୀ ନୂଆବଜାର ରେ ନବମବାର୍ଷିକ ଶ୍ରୀ ଜଗନ୍ନାଥ ପାଞ୍ଚରାତ୍ର ..

           ତିର୍ତ୍ତୋଲା, ଜଗନ୍ନାଥ ଭକ୍ତସମାଜ ଆନୁକୂଲ୍ୟରେ, କଟକ ପୋତାପୋଖରୀ, ନୂଆବଜ଼ାର ସ୍ଥିତ ନେତାଜୀ ଖେଳପଡିଆ ରେ ଗତ 15 ତାରିଖ ସୋମବାର ଠାରୁ ଆରମ୍ଭ ହୋଇଥିବା, ନବମବାର୍ଷିକ ଜଗନ୍ନାଥ ପାଞ୍ଚରାତ୍ର ମହୋତ୍ସବ ଓ ମହାପ୍ରଭୁ ଜଗନ୍ନାଥଙ୍କ ଚବିଶବେଶ ପ୍ରଦର୍ଶନ, ଓ ପ୍ରତ୍ୟେହ ପ୍ରାତଃ ସମୟରେ ପ୍ରଶିକ୍ଷଣ ଶିବିର ଆଦି ଆଧ୍ୟାତ୍ମିକ, ସାରସ୍ୱତ ଓ ସାଂସ୍କୃତିକ କାର୍ଯ୍ୟକ୍ରମ ବିପୁଳ ଆନନ୍ଦଉଲ୍ଲାସ ମଧ୍ୟରେ ଅନୁଷ୍ଠିତ ହେଉଅଛି l ଏହି ଅବସରରେ ଆୟୋଜିତ ତୃତୀୟ ସନ୍ଧ୍ୟାରେ ଅନୁଷ୍ଠାନର ମାର୍ଗଦର୍ଶକ ତଥା ଧାରାବାହିକ ପ୍ରବକ୍ତା ବାବାଜୀ ସତ୍ୟାନନ୍ଦ ଦାସମହାରାଜ ଙ୍କ ସହିତ ଶ୍ରୀମନ୍ଦିର ପୁରୀ ର ମହାଭୋଇ ସେବକ ଅଶୋକ କୁମାର ମହାଭୋଇ, ପ୍ରାତଞ୍ଜଳି ଯୋଗ ସମିତି ସମ୍ପାଦକ ସତ୍ୟରଞ୍ଜନ ଷଡ଼ଙ୍ଗୀ, ଶ୍ରୀ ଜଗନ୍ନାଥ ପ୍ରଚାର ସମିତି ସମ୍ପାଦକ ପ୍ରଭାକର ମଲ୍ଲିକ, ସାରଳା ସାହିତ୍ୟ ସଂସଦ ର ପ୍ରତିଷ୍ଠାତା ସଭାପତି ଇଂ ପ୍ରଭାକର ସ୍ୱାଇଁ, ପ୍ରଚାରସମିତି ର ସହସମ୍ପାଦକ ବୈକୁଣ୍ଠନାଥ ମହାପାତ୍ର, ସାରଳା ସଂସ୍କୃତିଗବେଷକ ରମାକାନ୍ତ ରାଉଳ,ମା ସାରଳା ଙ୍କ ଅଙ୍ଗଲାଗି ସେବକ ବିଶ୍ୱରଂଜନ ରାଉଳ ପ୍ରମୁଖ ସ୍ୱତନ୍ତ୍ର ନିମନ୍ତ୍ରିତ ଅତିଥି ଭାବେ ମଞ୍ଚାସିନ ହୋଇ ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମ କୁ ଉଦଘାଟନ କରିଥିଲେ l ନିତ୍ୟପୂଜକ ପଣ୍ଡିତ ବିଷ୍ଣୁନାରାୟଣ ପାଢ଼ୀ ଓ ପଣ୍ଡିତ ଦେବଦତ୍ତ ଦାସ ମଞ୍ଚମୁଖ୍ୟ ଚତୁର୍ଦ୍ଧାମୂର୍ତ୍ତି ଙ୍କ ଦ୍ୱାରା ପୁଷ୍ପାଞ୍ଜଳି ଅର୍ପଣ କରାଯିବା ପରେ ଅନୁଷ୍ଠାନ ତରଫରୁ ମହାରାଜ ଓ ଅତିଥି ମାନଙ୍କୁ ଉତ୍ତରୀୟ ଓ ମାଲ୍ୟାର୍ପଣ କରାଯାଇ ସମ୍ଭର୍ଦ୍ଧିତ କରାଯାଇ ଥିଲା l ଜଗନ୍ନାଥ ଭକ୍ତସମାଜ ର ସଭାପତି ଇଂ ପୂର୍ଣ୍ଣଚନ୍ଦ୍ର ସାହୁ ଙ୍କ ସଭାପତିତ୍ବ ରେ ଆୟୋଜିତ ଏହି ସଭାରେ ସ୍କନ୍ଧପୁରାଣ ବର୍ଣିତ ଶ୍ରୀ ଜଗନ୍ନାଥ ଙ୍କ ଲୀଳା, କ୍ଷେତ୍ରମହାତ୍ମ, ମହିମା ଓ ସମାଜଗଠନ କ୍ଷେତ୍ରରେ ମାର୍ଗଦର୍ଶନ ଉପରେ ତାତ୍ତ୍ୱିକ ଓ ତଥ୍ୟଭିତ୍ତିକ ବକ୍ତବ୍ୟ ପ୍ରଦାନ କରି ସମବେତ ସହସ୍ରାଧିକ ଭଗବତପ୍ରେମୀ ଶ୍ରଦ୍ଧାଳୁ ଭକ୍ତ ମାନଙ୍କୁ ମନ୍ତ୍ରମୁଗ୍ଧ କରିଦେଇଥିଲେ l ତେବେ ଆସନ୍ତା ଉଣେଇଶ ତାରିଖ ଶୁକ୍ରବାର ଦିନ ଏହି ଜଗନ୍ନାଥ ପାଞ୍ଚରାତ୍ର ଉଦଯାପିତ ହେବ ବୋଲି ଅନୁଷ୍ଠାନର କର୍ମକର୍ତ୍ତା ମାନେ ସୂଚନା ପ୍ରଦାନ କରିଛନ୍ତି l ଏହି ଅନୁଷ୍ଠାନ ର ଅଧ୍ୟକ୍ଷ କିଶନଲାଲ ଭରତିଆ, କାର୍ଯ୍ୟକାରୀ ଅଧ୍ୟକ୍ଷ ଇଂ ପୂର୍ଣ୍ଣଚନ୍ଦ୍ର ସାହୁ, ସମ୍ପାଦକ ବୈକୁଣ୍ଠବିହାରୀ ମୁଦୁଲି, କୋଷାଧ୍ୟକ୍ଷ୍ ଅକ୍ଷୟ କୁମାର ସ୍ୱାଇଁ, ସଙ୍ଗଠନ ସମ୍ପାଦକ ନିରାକାର ମହାରଣା, ଓ ଯୁଗ୍ମ ସମ୍ପାଦକ ମନୋଜ ଘଡେଇ ଙ୍କ ସମେତ ସମସ୍ତ କର୍ମକର୍ତ୍ତା ଓ ସଦସ୍ୟ ମାନେ ଏହି ସମସ୍ତ କାର୍ଯ୍ୟକ୍ରମ କୁ ପରିଚାଳନା କରିବାକ୍ଷେତ୍ରରେ ସକ୍ରିୟ ସହଯୋଗ କରିଥିଲେ lଜଗତ୍ସିଂହପୁର ରୁ ଶରତ କୁମାର ଦାଶ ଙ୍କ ରିପୋର୍ଟ୍ ନ୍ୟୁଜ ଉପାନ୍ତ ଖବର