ମ୍ୟାଟ୍ରିକ୍ ପରୀକ୍ଷା ଫଳ ପ୍ରକାଶ : ଆଦିତ୍ୟ କୁମାର ପାଣି ହେଲେ ବୁଗୁଡ଼ା ବ୍ଲକ ଟପ୍ପର
ମ୍ୟାଟ୍ରିକ୍ ପରୀକ୍ଷା ଫଳ ପ୍ରକାଶ : ଆଦିତ୍ୟ କୁମାର ପାଣି ହେଲେ ବୁଗୁଡ଼ା ବ୍ଲକ ଟପ୍ପର 
ବୁଗୁଡ଼ା : ତା ୧୮/୦୫/୨୩ : ପ୍ରକାଶିତ ମ୍ୟାଟ୍ରିକ୍
ପରୀକ୍ଷା ଫଳକୁ ନେଇ ବୁଗୁଡ଼ା ବ୍ଲକର ଛାତ୍ରଛାତ୍ରୀ
ଉତ୍ସାହିତ ଥିବା ଜଣାପଡ଼ିଛି । ଏଥର ବୁଗୁଡ଼ା ବ୍ଲକ
ଅନ୍ତର୍ଗତ ୨୭ଟି ହାଇସ୍କୁଲ ମଧ୍ୟରୁ ୫ଟି ହାଇସ୍କୁଲର ୬ ଜଣ ଛାତ୍ରଛାତ୍ରୀ ଏ-୧ରେ ଉତ୍ତୀର୍ଣ୍ଣ ହୋଇଛନ୍ତି । ବୁଗୁଡା ବ୍ଲକ ସଙ୍କୁରୁ ଗ୍ରାମସ୍ଥ ଶ୍ରୀ ଭଗବତ ସ୍ବାମୀ ହାଇସ୍କୁଲର ମେଧାବୀ ଛାତ୍ର ଆଦିତ୍ୟ କୁମାର ପାଣି ସର୍ବାଧିକ ୫୫୬ ମାର୍କ ପ୍ରାପ୍ତ କରି ବୁଗୁଡ଼ା ବ୍ଲକ ଟପ୍ପର ରୂପେ ବିବେଚିତ ହୋଇଛନ୍ତି । ସେହିପରି ବୁଗୁଡ଼ା ପିପୁଲ୍ସ ହାଇସ୍କୁଲର ଛାତ୍ର ଦିନେଶ କୁମାର ମହାରଣା-୫୫୪ , ବିରଞ୍ଚିପୁର ଶ୍ରୀ ରାଧାକୃଷ୍ଣ ହାଇସ୍କୁଲର ଛାତ୍ରୀ ଅଙ୍କିତା କୁମାରୀ ପ୍ରଧାନ-୫୪୬ ଓ ଛାତ୍ର ଏମ୍.ଜଗବନ୍ଧୁ ପାତ୍ର – ୫୪୦ , ଗୋଲିଆ ଶ୍ରୀକାନ୍ତ ସ୍ବାମୀ ତପୋବନ ହାଇସ୍କୁଲର ଛାତ୍ରୀ ଜି.ସୁନିତା ଦୋରା – ୫୪୨ , କରଚୁଲି ସକୁନ୍ତଳା ବିଦ୍ଯାପୀଠର ଛାତ୍ର ସଂଗ୍ରାମ ବେହରା – ୫୪୦ ମାର୍କ ହାସଲ ପୂର୍ବକ ଏ-୧ରେ ଉତ୍ତୀର୍ଣ ହୋଇ ସ୍ବ ସ୍ବ ବିଦ୍ୟାଳୟ ପାଇଁ ଗୌରବ ଅର୍ଜନ କରିଛନ୍ତି । ତେବେ ଛାତ୍ର ଆଦିତ୍ୟ କୁମାର ପାଣି ସର୍ବାଧିକ ୯୨.୬୬ ପ୍ରତିଶତ ନମ୍ବର ରଖି ବୁଗୁଡ଼ା ବ୍ଲକ ଟପ୍ପର ହୋଇଥିବାରୁ ସେ ବିଭିନ୍ନ ମହଲରେ ପ୍ରଶଂସିତ ହୋଇଛନ୍ତି । ପ୍ରକାଶ ଯୋଗ୍ୟ ଯେ ,ଚଳିତ ବର୍ଷ ବୁଗୁଡ଼ା ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯାଳୟ ଅଧିନସ୍ଥ ୧୦ଟି କେନ୍ଦ୍ରରେ ମୋଟ ୧୬୭୧ ଜଣ ଛାତ୍ରଛାତ୍ରୀ ଦଶମ ଶ୍ରେଣୀ ବୋର୍ଡ ପରୀକ୍ଷା ଦେଇଥିଲେ ।
