ଦେବଶିଳ୍ପୀଙ୍କ ପୂଜା ମହାସମାରୋହରେ ପାଳିତ। 

ବୋଲଗଡ଼,୧୬/୯ (ଉପାନ୍ତ ଖବର ):ବୋଲଗଡ଼ ବ୍ଲକ ସଦର ମୁଖ୍ୟାଳୟ ସମେତ ଏହାର ଆଖ ପାଖ ଅଂଚଳରେ ସୋମବାର ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା ମହାସମାରୋହରେ ପାଳନ କରାଯାଇଛି। ପୁରାଣ ବର୍ଣ୍ଣିତ ଯେ କାଳେ ଦେବଶିଳ୍ପୀ ଭଗବାନ ବିଶ୍ଵକର୍ମା ଜରାଜୀର୍ଣ୍ଣ ବୃଦ୍ଧବସ୍ଥା ଥାଇ ଅଲୌକିକ ଭାବେ ବିଶ୍ଵ ଚରାଚର ନାୟକ ତଥା କୋଟି ଓଡ଼ିଆର ମଉଡ଼ମଣି ଆରାଧ୍ୟ ମହାପ୍ରଭୁ ଶ୍ରୀଜଗନ୍ନାଥ, ଭଗ୍ନୀସୁଭଦ୍ରା,ଅଗ୍ରଜ ବଳଭଦ୍ର ଓ ସୁଦର୍ଶନ ଦାରୁ ଦେବତା ବିଗ୍ରହ ନିର୍ମାଣର ଦେବଶିଳ୍ପୀ ଚିର ବିଶ୍ଵ ବନ୍ଦନୀୟ। ସେହି ଦେବଶିଳ୍ପୀ ବିଶ୍ଵକର୍ମାଙ୍କ ପୂଜା ପାଳନ ଅବସରରେ ସ୍ଥାନୀୟ ବିଦ୍ୟୁତ ସେକ୍ସେନ ସମେତ ଏହାର ସବସେଣ୍ଟର ମାନଙ୍କରେ ବିଶ୍ୱକର୍ମାଙ୍କ ପୂଜା ପାଳନ କରାଯାଇଅଛି।ତେବେ ଏହା ବ୍ୟତୀତ ବିଭିର୍ଣ୍ଣ ବର୍ଗର କୁଶଳୀ କର୍ମଜୀବୀ ମାନେ ଦେବଶିଳ୍ପୀଙ୍କ ପୂଜା ନିଜ ଗୃହ ମାନଙ୍କରେ ପାଳନ କରିଛନ୍ତି।ଏପରିକି ମୋଟର ଗାଡି ଗ୍ୟାରେଜ, ମୋଟର ଷ୍ଟାଣ୍ଡ ମାନଙ୍କରେ ମହା ଆନନ୍ଦର ସହ ବିଶ୍ଵକର୍ମାଙ୍କ ପୂଜା ପାଳନ କରିଛନ୍ତି। ସେହିପରି ଅଂଚଳର ଭୀମପଡା,ରାଜସୁନାଖଳା,ପିଚୁକୁଳି,ସଂପୁର, ଆରିକମା,ବାଙ୍କୋଇ,ସାଗରଗୁଆଁ,କଳାଙ୍ଗ,

ମାଣିକାଗୋଡା,ଧଳାପଥର, ଗେଡ଼ିଆପଲ୍ଲୀ, ମାଣିବନ୍ଧ,ମାଣିକପୁର,କାଉତରା,ଦେଉଳି, ଅସରଳା,ହାଟବସ୍ତ ଓ ତାଳତୁମ୍ବ ଆଦି ଗ୍ରାମ ମାନଙ୍କର ବିଭିର୍ଣ୍ଣ ଅନୁଷ୍ଠାନ ମାନଙ୍କରେ ଆନନ୍ଦ ଓ ଉଦ୍ଦୀପନାର ସହିତ ଭଗବାନ ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା ଅନୁଷ୍ଠିତ ହୋଇଅଛି।

ରିପୋର୍ଟ-ସୁଶାନ୍ତ କୁମାର ପ୍ରଧାନ।