ରସୁଲପୁର ରେ ମହମ୍ମଦ ଙ୍କ ଜନ୍ମୋତ୍ସବ ପାଳନ…

ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଲକର ବିରିତୋଳ ପଞ୍ଚାୟତ ଅଧିନ ରସୁଲପୁର ଠାରେ, ବିପୁଳ ଆନନ୍ଦ ଉଲ୍ଲାସ ମଧ୍ୟରେ ଧର୍ମଗୁରୁ ମହମ୍ମଦ ଙ୍କ ଜନ୍ମୋତ୍ସବ ପାଳିତ ହୋଇଯାଇଛି । ପରପ୍ସର ମଧ୍ୟରେ ଶାନ୍ତି, ସଦଭାବନା ଓ ଭାଇଚାରା କୁ ସୁଦୃଢ଼ କରିବା ସହିତ, ଦେଶର ଏକତା, ଅଖଣ୍ଡତା କୁ ବଜାୟ ରଖିବା ସଙ୍ଗେ ସଙ୍ଗେ, ଦେଶକୁ ବିକାଶ ପଥରେ ଆଗେଇନେବାର ଆହ୍ଵାନ ଦେଇ ଛନ୍ତି ।ଏହି ଉପଲକ୍ଷେ ଏକ ଶୋଭାଯାତ୍ରା ନଗର ପରିକ୍ରମା ରେ ବାହାରି ବିଭିନ୍ନ ଗ୍ରାମ ଓ ବସ୍ତି ବୁଲିବା ପରେ, ଇଦ ଗାହା କବରସ୍ଥାନ ରେ ପହଞ୍ଚିବା ପରେ ସାମୁହିକ ପ୍ରାର୍ଥନା କରାଯାଇଥିଲା । ଶାହାପୁର ଓ ରସୁଲପୁର ର ଆବାଳ ବୃଦ୍ଧ ବନିତା ଏହି କାର୍ଯ୍ୟକ୍ରମରେ ସାମିଲ ହୋଇଥିବାର ଦେଖିବାକୁ ମିଳିଥିଲା । ଏହି ଉପଲକ୍ଷେ ଆୟୋଜିତ ଆଲୋଚନା ଚକ୍ରରେ ମୌଲାନା ରିୟାଜତ ହୋସେନ୍ ଆଝାରି , ମୌଲାନା ଆସିକ , ଶେଖ୍ ତମିର ଉଦ୍ଦିନ , ଶେଖ୍ ସଦ୍ଦାମ୍ ହୋସେନ୍ , ଶେଖ୍ ଲତିଫ ଉଦ୍ଦିନ୍ , ଶେଖ୍ ଗୁଲାମ ସମ୍ ଦାନି , ଶେଖ୍ ଅବଦୁଲ ରସିଦ ଖାନ , ଶେଖ୍ ତହୁର ଅଲ୍ଲୀ , ଶେଖ୍ ହାପୀଜ୍ ରହେମତ ଉଲ୍ଲା , ପ୍ରମୁଖ ଅଂଶ ଗ୍ରହଣ କରିଥିବା ବେଳେ, ବିଭିନ୍ନ ସ୍ଥାନରେ ମିଷ୍ଠାନ୍ ଓ ଥଣ୍ଡା ପାନୀୟ ଆଦି ବଣ୍ଟନ କରାଯାଇଥିଲା । ବିଶେଷ କରି ଗରିବ ଅସହାୟ ଲୋକମାନଙ୍କୁ ମଧ୍ଯ ଫଳ, ଖାଦ୍ୟ, ବସ୍ତ୍ର ଓ ଅର୍ଥ ଦାନ କରାଯାଇଥିବାରୁ ସାଧାରଣରେ ଏହାର ଉଚ୍ଚପ୍ରଶଂସା କରାଯାଇଛି ।

(ଜଗତସିଂହପୁର ରୁ ଶରତ କୁମାର ଦାଶ ଙ୍କ ସହିତ ତିର୍ତୋଲ ରୁ ରଞ୍ଜନ କୁମାର ମଲ୍ଲିକ ଙ୍କ ରିପୋର୍ଟ, ନିୟୁଜ ଉପାନ୍ତ ଖବର)