ପ୍ରାଥମିକ ବିଦ୍ୟାଳୟ ଶିକ୍ଷକ ସଂଘର ସାଙ୍ଗଠନିକ ସମ୍ପ୍ରସାରଣ* 

ବେଲଗୁଣ୍ଠା,16/09, ଆଜି ବେଲଗୁଣ୍ଠା ପ୍ରାଥମିକ ବିଦ୍ୟାଳୟ ଶିକ୍ଷକ ସଂଘ ସଭାପତି ମୃତ୍ୟୁଞ୍ଜୟ ପଣ୍ଡାଙ୍କ ଅଧ୍ୟକ୍ଷତାରେ ସଂଘର ଏକ ଗୁରୁତ୍ୱପୂର୍ଣ ବୈଠକ ଅନୁଷ୍ଠିତ ହୋଇଯାଇଛି l ଏହି ବୈଠକରେ ବ୍ଲକର ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ବିବିଧ ସମସ୍ୟା ସମ୍ପର୍କରେ ଆଲୋଚନା କରିବା ସହ ସମାଧାନ ସକାଶେ ସଂଘ ତରଫରୁ ବିହିତ ପଦକ୍ଷେପ ନେବା ପାଇଁ ସ୍ଥିର କରାଯାଇଥିଲା l ଏଥି ସହ ସଂଘର ବାର୍ଷିକ ଆୟ ଵ୍ୟୟ ଅଟକଳ ସମ୍ପର୍କରେ ଆଲୋକପାତ କରାଯାଇଥିଲା l ସଂଘକୁ ସୁଦୃଢ ଏବଂ ସଂଘର ସାଙ୍ଗଠନିକ ଦକ୍ଷତା ବଢାଇବା ପାଇଁ କିଛି ନୂତନ ପଦବୀ ପାଇଁ ସଭାପତି ମୃତ୍ୟୁଞ୍ଜୟ ପଣ୍ଡା ପ୍ରସ୍ତାବ ଦେବା ସହ ଉପଦେଷ୍ଟା ମଣ୍ଡଳୀ,ସଂଘର କର୍ମକର୍ତା,ସମସ୍ତ କ୍ଲଷ୍ଟର ଇନ ଚାର୍ଜ ଓ ଶିକ୍ଷକ ଶିକ୍ଷୟିତ୍ରୀଙ୍କ ଉପସ୍ଥିତିରେ ସଂଘର ଉପସଭାନେତ୍ରୀ ରୂପେ ସ୍ନେହଲତା ପତି,କାର୍ଯ୍ୟକାରୀ ସଭାପତି ରୂପେ କୃଷ୍ଣଚନ୍ଦ୍ର ସେଠୀ ଓ ମନୋଜ କୁମାର ପଟ୍ଟନାୟକ,ସାଙ୍ଗଠନିକ ସମ୍ପାଦକ ରୂପେ ଆକୁଳ ସାହୁ, କେଦାରନାଥ ନାୟକ ଓ ଟୁକୁନା ବେହେରା, ସହ ସମ୍ପାଦିକା ରୂପେ ରଂଜିତା ସାହୁ ଓ ଜିଲ୍ଲା ଏବଂ ରାଜ୍ୟ ସଂଯୋଜକ ଭାବେ ବିଦେଶୀ ବାଡ଼ତ୍ୟା ଙ୍କୁ ମନୋନୟନ କରାଯାଇଥିଲା l ବୈଠକରେ ସଂଘ ଉପସଭାପତି ଶଲ୍ୟ ସିଅ, ସମ୍ପାଦକ ମନୋରଞ୍ଜନ ବିଷୋୟୀ,କୋଷାଧ୍ୟକ୍ଷ ଶଙ୍କରନାରାୟଣ ସେଠୀଙ୍କ ସମେତ ସମସ୍ତ କର୍ମକର୍ତ୍ତା, ଉପଦେଷ୍ଟା ମଣ୍ଡଳୀ ଏବଂ କ୍ଳଷ୍ଟର୍ ଇନ୍ ଚାର୍ଜ ଉପସ୍ଥିତ ଥିଲେ I

ଵେଲଗୁଣ୍ଟା, ରିପୋର୍ଟ ପଞ୍ଚାନନ, ସାହୁ