ଶିଶୁ ମନ୍ଦିରରେ ସୂର୍ଯ୍ୟ ନମସ୍କାର ସପ୍ତାହ ପାଳିତ…

ବୁଗୁଡ଼ା :  ସ୍ଥାନୀୟ ସରସ୍ବତୀ ଶିଶୁ ବିଦ୍ୟା ମନ୍ଦିର ପକ୍ଷରୁ ସୂର୍ଯ୍ୟ ନମସ୍କାର ସପ୍ତାହ ପାଳିତ ହୋଇଯାଇଛି । ଶିକ୍ଷା ବିକାଶ ସମିତିର ନିର୍ଦେଶ କ୍ରମେ ଗତ ୧୦ ତାରିଖରୁ ସପ୍ତାହ ବ୍ୟାପୀ ପାଳନ ହୋଇ ଆସୁଥିବା ସୂର୍ଯ୍ୟ ନମସ୍କାର କାର୍ଯ୍ୟକ୍ରମ ଆଜି ଉଦଯାପିତ ହୋଇଯାଇଛି । ଏ ଅବସରରେ ଛାତ୍ରଛାତ୍ରୀଙ୍କୁ ନେଇ ସାମୁହିକ ସୂର୍ଯ୍ୟ ନମସ୍କାର କାର୍ଯ୍ୟକ୍ରମ ସାଙ୍ଗକୁ ପ୍ରତିଯୋଗିତା କରାଯାଇ କୃତି ପ୍ରତିଯୋଗୀଙ୍କୁ ଚୟନ କରାଯାଇଥିଲା । ଏଥିରେ ଛାତ୍ରମାନଙ୍କ ମଧ୍ୟରୁ ଆୟୁଷ ଭୂୟାଁ, ଓମ୍ ପ୍ରକାଶ ମହାରଣା ଓ ଉମା ଶଙ୍କର ସାହୁ ଯଥାକ୍ରମେ ପ୍ରଥମ , ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ବେଳେ ଛାତ୍ରୀମାନଙ୍କ ମଧ୍ୟରେ ପ୍ରଥମ , ଦ୍ବିତୀୟ ଓ ତୃତୀୟ ସ୍ଥାନରେ ଯଥାକ୍ରମେ ଶୁଭଶ୍ରୀ ପ୍ରିୟଦର୍ଶିନୀ ମହାରଣା , କ୍ରିଷ୍ଣା ପ୍ରିୟଦର୍ଶିନୀ ପୋଲାଇ ଓ ଆରାଧନା ଭୂୟାଁ ରହି ପୁରସ୍କୃତ ହୋଇଥିଲେ । ପ୍ରଧାନାଚାର୍ଯ୍ଯ ଉତ୍ତମ କୁମାର ମହାରଣାଙ୍କ ତତ୍ତ୍ବାବଧାନରେ ଆୟୋଜିତ ଉକ୍ତ କାର୍ଯ୍ୟକ୍ରମକୁ ଯୋଗ ପ୍ରମୁଖ ଗୁରୁଜୀ ଲଡୁ କିଶୋର ନାୟକ ପରିଚାଳନା କରିଥିବା ବେଳେ ଅନ୍ୟ ସେବାବ୍ରତୀମାନେ ଏଥିରେ ସହଯୋଗ କରିଥିଲେ ।