ଯୋଡାଲିଙ୍ଗଙ୍କୁ ଦର୍ଶନ କରି ଶ୍ରଦ୍ଧାଳୁଙ୍କୁ ମାଗଣା ପ୍ରସାଦ ବାଣ୍ଟିଲେ ମୀରା ପରିଡା

ପବିତ୍ର ଜାଗର ଯାତ୍ରାରେ ବାବା ଯୋଡାଲିଙ୍ଗଙ୍କ ପୀଠରେ ପ୍ରତିବର୍ଷ ଭଳି ଚଳିତ ବର୍ଷ ପୁରୀଜିଲ୍ଲା କିନ୍ନର ସଙ୍ଘ ପକ୍ଷରୁ ପ୍ରତିବର୍ଷ ଦଶ ହଜାରରୁ ପନ୍ଦର ହଜାର ଶ୍ରଦ୍ଧାଳୁ ଭକ୍ତ ମାନଙ୍କୁ ମାଗଣା ପ୍ରସାଦ ବଣ୍ଟନ କରାଯାଇଥାଏ l ଚଳିତ ବର୍ଷ ରାଜ୍ୟ କିନ୍ନର ସଙ୍ଘର ସଭାନେତ୍ରୀ ମୀରା ପରିଡା ଯୋଗଦାନ କରିଥିଲେ l ମୀରାଙ୍କୁ ପୁରୀଜିଲ୍ଲା କିନ୍ନର ସଂଘ ପକ୍ଷରୁ ବାଜା ବଜାଇ ବାଣ ଫୁଟାଇ ସ୍ୱାଗତ କରାଯାଇଥିଲା l ପରେପରେ ବଜାବଜାଇ ଶୋଭାଯାତ୍ରା ରେ ବାବା ଯୋଡାଲିଙ୍ଗଙ୍କୁ ଦର୍ଶନ ନିମନ୍ତେ ନିଆଯାଇଥିଲା l ବାବା ଯୋଡାଲିଙ୍ଗଙ୍କୁ ଦର୍ଶନ କରି ମୀରା ମା ଖାଦ୍ୟ ବଣ୍ଟନର ଶୁଭାରମ୍ଭ କରି ହଜାର ହଜାର ଶ୍ରଦ୍ଧାଳୁ ଭକ୍ତଙ୍କୁ ପ୍ରସାଦ ବଣ୍ଟନ କରି ପୁରୀ ଲୋକନାଥ ମନ୍ଦିର ଅଭିମୁଖେ ଯାତ୍ରା କରିଥିଲେ l ଏହି କାର୍ଯ୍ୟକ୍ରମ କୁ ପୁରୀଜିଲ୍ଲାର ମା ଦେବକୀ ମା ସଭାନେତ୍ରୀ ପ୍ରିୟାଂଶି ଦାସଙ୍କ ସହିତ ପୁରୀଜିଲ୍ଲାର ଶତାଧିକ କିନ୍ନର ଏହି କାର୍ଯ୍ୟକ୍ରମ କୁ ପରିଚାଳନା କରିବାରେ ସମ୍ପୂର୍ଣ୍ଣ ସହଯୋଗ କରିଥିଲେ l

ପୁରୀରୁ ରମେଶ ସାହୁଙ୍କ ରିପୋର୍ଟ l