ଉମରକୋଟ ଭାଜପା କାର୍ଯ୍ୟାଳୟ ରେ ସଦସ୍ୟତା ଅଭିଯାନ କର୍ମଶାଳା ଅନୁଷ୍ଠିତ…….
ଉମରକୋଟ :-(ଏମ୍.ଦିନା°ଶୁ ଆଚାରୀ) ନବରଙ୍ଗପୁର ଜିଲ୍ଲା ଉମରକୋଟ ବି ଜେ ପି କାର୍ଯ୍ୟାଳୟ ଠାରେ ଭାରତୀୟ ଜନତା ପାର୍ଟି ର ଜିଲ୍ଲା ସ୍ତରିୟ ସଦସ୍ୟତା ଅଭିଯାନ କର୍ମଶାଳା ବୈଠକ ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ଜିଲ୍ଲାର ତିନୋଟି ବିଜେପି ଅଧିକୃତ ବିଧାନସଭା ନିର୍ବାଚନ ମଣ୍ଡଳୀ ର ବିଭିନ୍ନ ପଦାଧିକାରୀ କାର୍ଯ୍ୟକର୍ତା ଙ୍କୁ ନେଇ ଆରମ୍ଭ କରା ଯାଇଥିଲା ।
ଏହି ସଦସ୍ୟତା ଅଭିଯାନ ଭାଜପାର ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଜଗତ୍ ପ୍ରସାଦ ନଡ୍ଡା ଙ୍କ ଅଧ୍ୟକ୍ଷତାରେ ଆରମ୍ଭ ହୋଇ ସାରା ଦେଶ ଏହାକୁ ବ୍ୟାପକ ରୁପେ ପାଳନ କରୁଅଛି । ପ୍ରତି ୬ବର୍ଷ ରେ ଥରେ ପାର୍ଟି ସଦସ୍ୟତା ଅଭିଯାନ ସଂଗଠନ ପର୍ବ ରୁପେ ପାଳନ କରି ଆସୁଅଛି । ସେପ୍ଟେମ୍ବର ୨ତାରିଖ ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମ ପ୍ରାଥମିକ ସଦସ୍ୟତା ହେବାପରେ ସେ ଦିନଠାରୁ ସାରା ଦେଶବ୍ଯାପୀ ଏହି କାର୍ଯ୍ୟକ୍ରମ ପ୍ରଥମ ଚରଣ ରୁପେ ଚାଲୁଅଛି । ୧୮୮ ୦୦ ୦୦ ୨୦୨୪ନଂ ରେ ମିସ୍ କଲ୍ କଲେ ବ୍ୟକ୍ତି ଭାଜପାର ପ୍ରାଥମିକ ସଦସ୍ୟ ହେବାର ନିର୍ଦେଶ ଅଛି । ଏହା ପୂର୍ବରୁ ମଧ୍ୟ ଏହି ମାଧ୍ୟମରେ ସଦସ୍ୟତା ହୋଇ ପାରୁଥିଲେ ମଧ୍ୟ ପାର୍ଟି ପୁନର୍ବାର ପତି ୬ବର୍ଷ ରେ ଏହାକୁ ରେନୁଆଲ ଭାବରେ କାର୍ଯ୍ୟ କରି ଚାଲିଛି । ଗତ ୨୦୧୪ ରେ ୧୧ କୋଟି ଏବଂ ୨୦୧୯ରେ ଏଥିରେ ପୁଣି ୭ କୋଟି ଯୋଡିତ ହୋଇ ୧୮ କୋଟି ସଦସ୍ୟତା କରି ଭାରତୀୟ ଜନତା ପାର୍ଟି ସାରା ବିଶ୍ବରେ ନଂ୧ ରାଜନୈତିକ ଦଳ ରୁପେ ନିଜର ପରିଚୟ ଦେଇ ଥିଲା, ବର୍ତ୍ତମାନ ପାର୍ଟିର ନିର୍ଦ୍ଦେଶ ବୁଥ୍ ସ୍ତର ରୁ ନେଇ ଶକ୍ତି କେନ୍ଦ୍ର,ମଣ୍ଡଳ, ଜିଲ୍ଲା ଏବଂ ରାଜ୍ୟସ୍ତରୀୟ ହୋଇ ସାରା ଦେଶରେ ଏହା ବ୍ୟାପକ ରୂପେ ହେବ ଏହା ହିଁ ପାର୍ଟି ର ଲକ୍ଷ୍ୟ ।
ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ ମୁଖ୍ୟ ଅତିଥି ନବରଙ୍ଗପୁର ସାଂସଦ ବଳଭଦ୍ର ମାଝୀ,ପୂର୍ବତନ ସାଂସଦ ପର୍ଶୁରାମ ମାଝୀ,ଜିଲ୍ଲା ସଭାପତି ଜଗଦୀଶ ବିଷୋୟୀ ,ମନିଜର ଆର୍ଯ୍ୟ, ଅଚ୍ୟୁତ ବିଷୋୟୀ , ଦେବଦାସ ମହାଙ୍କୁଡ, ଅଶୋକ କୁମାର ପାଢୀ, ପ୍ରମୁଖ ଜିଲ୍ଲା ନେତୃ ମଣ୍ଡଳୀ ଟୋଲି ଉପସ୍ଥିତ ଥିଲେ ।
