ନୀଳଗିରି ମହିଳା ଡ଼ିଗ୍ରୀ ମହାବିଦ୍ୟାଳୟରେ ଯୁବ ରେଡ୍ କ୍ରସ୍ ତରଫରୁ ଜିଲ୍ଲା ସ୍ତରୀୟ ଶିବିର ଅନୁଷ୍ଠିତ….
ବାଲେଶ୍ବର,
ନୀଳଗିରି ମହିଳା ଡିଗ୍ରୀ ମହାବିଦ୍ୟାଳୟରେ ଯୁବ ରେଡ୍ କ୍ରସ ତରଫରୁ ଏକ ଦିନିକିଆ ଫାଷ୍ଟ ଏଡ୍ ତାଲିମ ଶିବିର ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷା ମଞ୍ଜୁଶ୍ରୀ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରର ଉଦଘାଟନୀ ଉତ୍ସବରେ ବାଲେଶ୍ୱର ଜିଲ୍ଲାଯୁବ ରେଡ୍ କ୍ରସର ଚେୟାରମେନ ତଥା ଫକୀରମୋହନ ସ୍ଵୟଂଶାସିତ ମହାବିଦ୍ୟାଳୟର ଅଧ୍ୟକ୍ଷ ଡ଼ ଦିଲ୍ଲୀପ କୁମାର ଘୋଷ, ଜିଲ୍ଲା ଯୁବରେଡ କ୍ରସ୍ ର କନଭେନର ଡ ବିଭୁଦତ୍ତ ବେହେରା, ବାଲେଶ୍ଵର ଜିଲ୍ଲା ସଂଯୋଜକ ଅଧ୍ୟାପକ ସୁଧୀର ମୁଦୁଲି, ନୀଳଗିରି ମହିଳା ଜୁନିୟର ମହାବିଦ୍ୟାଳୟର କାଉନସେଲର୍ ଅଧ୍ୟାପକ ସତ୍ୟରଞ୍ଜନ ମିଶ୍ର ଯୋଗଦେଇ ରେଡକ୍ରସର ଉପାଦେୟ ତଥ୍ୟ ଉପସ୍ଥାପନ କରିଥିଲେ । ସେହିପରି ଉଦଘାଟନୀ ଉତ୍ସବ ପରେ ତାଲିମ ଶିବିରରେ ପ୍ରଶିକ୍ଷକ ରୂପେ ମାଣିଦା ମହାବିଦ୍ୟାଳୟ ମୟୁରଭଂଜର ଅଧ୍ୟାପକ ଡ ଦିଲ୍ଲୀପ କୁମାର ଭୋଇ ଓ ବକ୍ସି ଜଗବନ୍ଧୁ ବିଦ୍ୟାଧର ଡ଼ିଗ୍ରୀ ମହାବିଦ୍ୟାଳୟ ପୁରୀ ର ଅଧ୍ୟାପିକା ଇତିଶ୍ରୀ ସୁନ୍ଦରା ଯୋଗଦେଇ ପ୍ରାଥମିକ ଉପଚାର ସମ୍ପର୍କିତ ବିସ୍ତୃତ ପ୍ରଶିକ୍ଷଣ ପ୍ରଦାନ କରିଥିଲେ । ଏହି ଶିବିରରେ ସ୍ୱର୍ଣ୍ଣଚୁଡ ମହାବିଦ୍ୟାଳୟ ମିତ୍ରପୁର, ନୀଳଗିରି ମହାବିଦ୍ୟାଳୟ ନୀଳଗିରି, ସଂସ୍କୃତ ମହାବିଦ୍ୟାଳୟ ନୀଳଗିରି, ବରହମପୁର ଡ଼ିଗ୍ରୀ ମହାବିଦ୍ୟାଳୟ ବରହମପୁର, ବାବା ପଞ୍ଚଲିଙ୍ଗେଶ୍ୱର ମହାବିଦ୍ୟାଳୟ ସନ୍ତରାଗଡିଆ, ନୀଳଗିରି ଜୁନିୟର ମହିଳା ମହାବିଦ୍ୟାଳୟ ନୀଳଗିରିର ଯୁବରେଡ କ୍ରସ ଛାତ୍ରଛାତ୍ରୀ ଓ କାଉନସେଲର ଯୋଗଦେଇ ଉକ୍ତ କାର୍ଯକ୍ରମକୁ ସଫଳ କରିଥିଲେ । ଶିବିର ପ୍ରାରମ୍ଭରେ ମହାବିଦ୍ୟାଳୟର କାଉନସେଲର ଡ ପ୍ରଦୀପ୍ତ କୁମାର ମିଶ୍ର ମଞ୍ଚ ଆହ୍ବାନ ଓ ଅତିଥି ପରିଚୟ ଦେଇଥିବାବେଳେ ଶେଷରେ ମହାବିଦ୍ୟାଳୟର ଅଧ୍ୟାପିକା ସୁଷମା ସିଂହ ସମସ୍ତଙ୍କୁ ଧନ୍ୟବାଦ ପ୍ରଦାନ କରିଥିଲେ । ଏହି ଶିବିରରେ ସମସ୍ତ କର୍ମଚାରୀ ଓ ଛାତ୍ରଛାତ୍ରୀ ଯୋଗଦାନ କରିଥିଲେ । ଶେଷରେ ଏପରି କାର୍ଯକ୍ରମକୁ ସମସ୍ତ ଅତିଥି ଓ ପ୍ରଶିକ୍ଷକମାନେ ପ୍ରଶଂସା କରିଥିଲେ ।
(ଦେବାଶିଷ ଦାଶ )
