ହଜାର ହଜାର ଜନତାଙ୍କୁ ନେଇ ବିଶାଳ ଜନ ଜାଗରଣ ସମାବେଶ ଅନୁଷ୍ଠିତ l

ଆଜି ପୁରୀ ସଦର ବ୍ଲକ ବ୍ରହ୍ମଗିରି ନିର୍ବାଚନ ମଣ୍ଡଳୀ ର ଖଣ୍ଡିଘର ଠାରେ ବିଶାଳ ଜନସମାବେଶ ଅନୁଷ୍ଠିତ ହୋଇଯାଇଛି l ଏହି ସମାବେଶ ରେ ସମାଜସେବୀ ରମେଶ ଚନ୍ଦ୍ର ପ୍ରଧାନଙ୍କୁ ବିରାଟ ବାଇକ ଶୋଭାଯାତ୍ରାରେ ଖଣ୍ଡିଘର ଛକରୁ ଖଣ୍ଡିଘର ମେଳଣ ପଡିଆ ପର୍ଯ୍ୟନ୍ତ ଆଣି ବାବା ବାଲୁଙ୍କେଶ୍ୱରଙ୍କୁ ଦର୍ଶନ କରି ସଭାକାର୍ଯ୍ୟ ଅନୁଷ୍ଠିତ ହୋଇଥିଲା l ଏହି ସଭାରେ ପିଇବା ପାଣି, ନଦୀ ଗୁଡିକ ଦଳଭର୍ତି ହୋଇ ରହିଥିବାରୁ ଗାଧୋଇବା ତ ଦୂରର କଥା ଶୌଚ ହେବାପାଇଁ ଯୋଗ୍ୟ ନୁହେଁ l ଦୀର୍ଘ କୋଡିଏ ବର୍ଷରୁ ଉର୍ଦ୍ଧ ହେବ ଏହି ଏଗାର ପଞ୍ଚାୟତ ରେ କୌଣସି ଉନ୍ନତି ମୂଳକ କାର୍ଯ୍ୟ ହୋଇନାହିଁ ବୋଲି ସ୍ଥାନୀୟ ଜନସାଧାରଣ ଏହି ସମାବେଶ ରେ ନିଜ ନିଜର ମତାମତ ରଖିଥିଲେ l ଆଗକୁ ଏହି ଏଗାର ପଞ୍ଚାୟତ ରେ ସମସ୍ତ ସୁବିଧା କରିବା ପାଇଁ ରମେଶ ପ୍ରଧାନ ସଭାସ୍ଥଳରେ ଉପସ୍ଥିତ ଜନତାଙ୍କୁ ନିର୍ଭର ପ୍ରତିଶୃତି ଦେଇଥିଲେ l 2024 ନିର୍ବାଚନ ଯେତେ ପାଖେଇ ଆସୁଛି ଏହି ବ୍ରହ୍ମଗିରି ନିର୍ବାଚନ ମଣ୍ଡଳୀ ରେ ନେତା ମାନଙ୍କ ନୂଆ ନୂଆ କାର୍ଯ୍ୟକ୍ରମ କରିବାକୁ ପଡୁଛି l ସଞ୍ଜୟ ଦାସବର୍ମା ମିଶ୍ରଣ ପର୍ବ କରୁଥିବା ବେଳେ ଉପାସନା ମହାପାତ୍ର କର୍ମୀ ସମ୍ମିଳନୀ କରୁଛନ୍ତି l କିନ୍ତୁ ସମସ୍ତଙ୍କ ଠାରୁ ଆଗରେ ଅଛନ୍ତି ସମାଜସେବୀ ରମେଶ ପ୍ରଧାନ l ସେ କୌଣସି ଦଳୀୟ ସମର୍ଥନ ନପାଇ ଜନ ଜାଗରଣ ସମାବେଶ କରି ବିପୁଳ ସମର୍ଥନ ପାଉଥିବା ବେଳେ ଆଗକୁ ଦେଖିବାକୁ ରହିଲା ବ୍ରହ୍ମଗିରି ନିର୍ବାଚନ ମଣ୍ଡଳୀ ର ବିଧାୟକ ହେଉଛି କିଏ ସମାଜସେବୀ ରମେଶ ପ୍ରଧାନ ନା ଉପାସନା ମହାପାତ୍ର ନା ଅନ୍ୟକେହି l
(ପୁରୀରୁ ରମେଶ ସାହୁଙ୍କ ରିପୋର୍ଟ)