ବିଭିନ୍ନ ଚୋରି ଘଟଣାର ପର୍ଦ୍ଧାଫାସ : ୨ କଲେଜ ଛାତ୍ର ସହ ୩ ଗିରଫ । ଜବତ ହେଲା ଚୋରି ସାମଗ୍ରୀ ଓ ବ୍ୟବହୃତ ଯାନବାହନ |
ବିଭିନ୍ନ ଚୋରି ଘଟଣାର ପର୍ଦ୍ଧାଫାସ : ୨ କଲେଜ ଛାତ୍ର ସହ ୩ ଗିରଫ । ଜବତ ହେଲା ଚୋରି ସାମଗ୍ରୀ ଓ ବ୍ୟବହୃତ ଯାନବାହନ |
ଗୁଣପୁର -(ସୁରେନ୍ଦ୍ର ମହାନ୍ତି )ରାୟଗଡା ଜିଲ୍ଲା ଗୁଣୁପୁର ପୁଲିସକୁ ମିଳିଛି ବଡ଼ ସଫଳତା । ଜିଲ୍ଲାର ଗୁଣୁପୁର, ପଦ୍ମପୁର ଓ ରମାନଗୁଡା ଥାନାରେ ହୋଇଥିବା ମୋଟ ୧୦ ଟି ଚୋରି ମାମଲାର ତଦନ୍ତ କରି ଦୁଇଜଣ ଉଚ୍ଚ ଶିକ୍ଷିତ କଲେଜ ପଢୁଆ ଛାତ୍ର ଓ ଜଣେ ଜେସିବି ଡ୍ରାଇଭର କୁ ଏହି ଚୋରି ଘଟଣାରେ ଗିରଫ କରାଯାଇଛି । ସେମାନଙ୍କ ଠାରୁ ମୋଟ ୨୭ ପ୍ରକାର ଚୋରି ସାମଗ୍ରୀ ଓ ଚୋରି ପାଇଁ ବ୍ୟବହୃତ ଯାନବାହନ ମଧ୍ୟ ଜବତ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ଦିଲ୍ଲୀପ ଶବର, ଉଦୟ ଶବର ଓ ନୌସା ଶବର । ଦିଲ୍ଲୀପ ଓ ଉଦୟ ଗୁଣୁପୁର ର ନାମିଦାମୀ ଶିକ୍ଷାନୁଷ୍ଠାନ ରେ ପାଠ ପଢୁଆ ଛାତ୍ର ଥିବା ବେଳେ ନୌସା ଜେସିବି ଚାଳକ ଅଟନ୍ତି । ଏମାନେ ଚୀନାସାରି ପଞ୍ଚାୟତ ର ପଡଇକୁଳ ଗ୍ରାମର ବୋଲି ପୁଲିସ ସୂଚନା ଦେଇଛି । ଲଗାତାର ବିଭିନ୍ନ ସ୍ଥାନ, ଫାର୍ମ ହାଉସ ରୁ ସିରିଜ ଚୋରି କରି ଏହି ତିନିଗୋଟି ବ୍ଲକ୍ ରେ ଆତଙ୍କ ସୃଷ୍ଟି କରିଥିଲେ ।
