ତ୍ରିଦିବସୀୟ ସହଯୋଗ ତାଲିମ ଶିବିର ଉଦଯାପିତ

ବୁଗୁଡ଼ା : ତା ୧୧/୦୧/୨୩ : ସ୍ଥାନୀୟ ଶ୍ରୀ ବିରଞ୍ଚି ନାରାୟଣ ବାଳିକା ଉଚ୍ଚ ବିଦ୍ୟାଳୟ ପକ୍ଷରୁ ସ୍ବପରିସରରେ ଆୟୋଜିତ ତ୍ରିଦିବସୀୟ ସହଯୋଗ ତାଲିମ ଶିବିର ଉଦଯାପିତ ହୋଇଯାଇଛି । ଗତ ୯ ତାରିଖରୁ ଆରମ୍ଭ ହୋଇଥିବା ଉକ୍ତ ଶିବିରରେ ବିଦ୍ୟାଳୟ ପରିଚାଳନା କମିଟିର ସମସ୍ତ ସଦସ୍ୟ ଓ ସଦସ୍ଯାଙ୍କ ସହିତ ୮ ନମ୍ବର ଓ୍ବାର୍ଡର କାଉନସିଲର ସୁମିତ୍ରା ପାତ୍ର, ଅଙ୍ଗନୱାଡି କର୍ମୀ କଳ୍ପନା ପାତ୍ର, ଆଶାକର୍ମୀ ସୁନି ନାୟକ ଯୋଗ ଦେଇ ତାଲିମ୍ ଗ୍ରହଣ କରିଥିଲେ । ପ୍ରଧାନ ଶିକ୍ଷୟିତ୍ରୀ କୃଷ୍ଣପ୍ରିୟା ମହାରଣା ଓ କାଦମ୍ବିନୀ ପାଣିଗ୍ରାହୀ ପ୍ରମୁଖ ଶିଶୁ ଶିକ୍ଷା ଅଧିକାର ନିୟମ, ବିଦ୍ଯାଳୟର ବୌଦ୍ଧିକ-ସାମାଜିକ-ସାଂଗଠନିକ ବାତାବରଣ ଏବଂ ବିଦ୍ୟାଳୟର ବିକାଶ ଯୋଜନାର ବିଭିନ୍ନ ଦିଗ ସମ୍ପର୍କରେ ଅବଗତ କରାଇ ତାଲିମ୍ ପ୍ରଦାନ କରିଥିଲେ । ଉକ୍ତ ଶିବିର ପରିଚାଳନାରେ ବିଦ୍ୟାଳୟର ଅନ୍ଯ ଶିକ୍ଷକ ଶିକ୍ଷୟିତ୍ରୀମାନେ ସହଯୋଗ କରିଥିବା ବେଳେ ସିଆରସିସି କିରଣ ବାଳା ତ୍ରିପାଠୀ ପର୍ଯ୍ୟବେକ୍ଷକ ରୂପେ ଯୋଗ ଦେଇଥିଲେ ।