ଭାରସାମ୍ୟ ହରାଇ ଏକାଧିକ ଗାଡ଼ିକୁ ଧକ୍କା ଦେଲା ଡ଼ମ୍ପର; ଜଣେ ମୃତ, ୬ ଗୁରୁତର।
ଅଯୋଧ୍ୟା ( ଦେବାଶିଷ ଦାଶ )
ଅଯୋଧ୍ୟାରେ ମର୍ମନ୍ତୁଦ ଦୁର୍ଘଟଣା । ଭାରସାମ୍ୟ ହରାଇ ଏକାଧିକ ଗାଡ଼ିକୁ ଧକ୍କା ଦେଲା ଡ଼ମ୍ପର ।
ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ୬ ଜଣ ଗୁରୁତର ଆହତ ହୋଇଛନ୍ତି । ସମସ୍ତ ଗୁରୁତରଙ୍କୁ ନିକଟସ୍ଥ ଡ଼ାକ୍ତରଥାନାରେ ଭର୍ତ୍ତି କରାଯାଇଛି । ତେବେ ଅଯୋଧ୍ୟାର ଲତା ମଙ୍ଗେଶକର ଛକ ନିକଟରେ ଏହି ଘଟଣା ଘଟିଛି। ସୂଚନା ମୁତାବକ, ଗତକାଲି ବିଳମ୍ବିତ ରାତିରେ ଦୁର୍ଗାଗଞ୍ଜ ମାଞ୍ଜାରୁ ଆସୁଥିବା ଏକ ଦ୍ରୁତଗାମୀ ଡମ୍ପର ହଠାତ୍ ଭାରସାମ୍ୟ ହରାଇଥିଲା । ଫଳରେ ନୟା ଘାଟ ଛକ ନିକଟରେ ଡମ୍ପରଟି ଅନେକ ଗାଡ଼ିକୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବାବେଳେ ଆହତମାନଙ୍କୁ ତୁରନ୍ତ ଆମ୍ବୁଲାନ୍ସ ସାହାଯ୍ୟରେ ଡାକ୍ତରଖାନା ପଠାଯାଇଥିଲା, ଯେଉଁଠାରେ ସେମାନଙ୍କର ଚିକିତ୍ସା ଚାଲିଛି।
ଏହି ଦୁର୍ଘଟଣାରେ ରାସ୍ତା କଡ଼ର ଦୋକାନଗୁଡ଼ିକ ମଧ୍ୟ କ୍ଷତିଗ୍ରସ୍ତ ହୋଇଛି। ଦୁର୍ଘଟଣା ସମ୍ପର୍କରେ ସୂଚନା ପାଇ ଅଯୋଧ୍ୟା କୋତୱାଲି ପୋଲିସ ଘଟଣାସ୍ଥଳରେ ପହଞ୍ଚି
ସିଓ ଆଶୁତୋଷ ତିୱାରୀ ଏବଂ କୋତୱାଲ ମନୋଜ ଶର୍ମାଙ୍କ ନେତୃତ୍ୱରେ ଉଦ୍ଧାର କାର୍ଯ୍ୟ କରାଯାଇଥିଲା। ଭିଡ଼କୁ ନିୟନ୍ତ୍ରଣ କରିବା ପାଇଁ ଘଟଣାସ୍ଥଳରେ ଅତିରିକ୍ତ ପୋଲିସ ଫୋର୍ସ ମୁତୟନ କରାଯାଇଥିଲା।ଅନ୍ୟପଟେ ଶ୍ରୀରାମ ହସ୍ପିଟାଲର ଜରୁରୀକାଳୀନ ଚିକିତ୍ସା ଅଧିକାରୀ ଡାକ୍ତର ମନୀଷ ଶାକ୍ୟ କହିଛନ୍ତି ଯେ, ଏହି ଘଟଣାରେ ଜଣଙ୍କର ମୃତ୍ୟୁ ହୋଇଛି ଏବଂ ଜଣେ ସାମାନ୍ୟ ଆହତ ହୋଇଛନ୍ତି, ଯାହାଙ୍କୁ ଏଠାରେ ଚିକିତ୍ସା କରାଯାଉଛି, ଅନ୍ୟ ପାଞ୍ଚ ଜଣ ଗୁରୁତର ଆହତ ହୋଇଛନ୍ତି, ଯେଉଁମାନଙ୍କୁ ରାଜା ଦଶରଥ ମେଡିକାଲ କଲେଜକୁ ରେଫର କରାଯାଇଛି। ଏହି ଘଟଣାରେ ଜଣେ ଆହତ କହିଛନ୍ତି ଯେ,
ଲତା ମଙ୍ଗେଶକର ଛକରେ ଏକ ଦ୍ରୁତ ଗତିର ଡମ୍ପର ମୋ କାରକୁ ଧକ୍କା ଦେଇଥିଲା। ମୁଁ ମୋ ଗାଡ଼ିରୁ ଡେଇଁ ପଡ଼ି ମୋ ଜୀବନ ବଞ୍ଚାଇଥିଲି।
