ସାଧାରଣ ଧର୍ମଘଟକୁ ସଫଳ କରିବା ପାଇଁ ଟିୟୁସିଆଇ ର ଆହ୍ବାନ
କବିସୂର୍ଯ୍ୟନଗର, ୯/୨. କେନ୍ଦ୍ର ସରକାରଙ୍କ କୃଷକ-ଶ୍ରମିକ ବିରୋଧୀ ନୀତି ବିରୋଧରେ ଆସନ୍ତା ଫେବୃଆରି ୧୨ ତାରିଖରେ ସାରା ଦେଶରେ ହେଉଥିବା ଧର୍ମଘଟକୁ ସଫଳ କରିବା ପାଇଁ କବିସୂର୍ଯ୍ୟନଗର ବିଭିନ୍ନ ଛକରେ ପଥପ୍ରାନ୍ତ ସଭା କରି ଜନଗଣଙ୍କ ସହଯୋଗ କରିବା ପାଇଁ ଟ୍ରେଡ ୟୁନିଅନ ସେଣ୍ଟର ଅଫ୍ ଇଣ୍ଡିଆ ଗଞ୍ଜାମ ଜିଲ୍ଲା କମିଟି ପକ୍ଷରୁ ନିବେଦନ କରାଯାଇଛି। ବିଜେପି ସରକାରଙ୍କ ନୀତି ବିରୁଦ୍ଧରେ ଜନ ଆନ୍ଦୋଳନ ଏବଂ ବିଜୟ ପର୍ଯ୍ୟନ୍ତ ସଂଗ୍ରାମ ଜାରି ରଖିବା ହେଉଛି ସମୟର ଆହ୍ବାନ । ଶ୍ରମିକ କର୍ମଚାରୀ ବିରୋଧୀ ଆର ଏସ ଏସ ଫାସିବାଦ ଆଜି କର୍ପୋରେଟ ସ୍ବାର୍ଥରେ ଶ୍ରମଜୀବି ଜନଗଣଙ୍କ ଅଧିକାରକୁ ଗୈ।ଣ କରିବା ପାଇଁ ଶ୍ରମିକ ବିରୋଧୀ ୪ ଟି ଶ୍ରମ ସଂହିତା କାର୍ଯ୍ୟକାରୀ କରିଛନ୍ତି, ଭାରତୀୟଙ୍କ ପ୍ରତି ବିଶ୍ୱାସଘାତକତା କରି ମୋଦି ସରକାର ଭାରତ ଓ ଆମେରିକା ନୂତନ ବାଣିଜ୍ୟ ଚୁକ୍ତିରେ ସ୍ୱାକ୍ଷର କରିଛନ୍ତି। ସମସ୍ତ ଅସଂଗଠିତ କ୍ଷେତ୍ରର ଶ୍ରମିକ, କୃଷକ ଏବଂ ଭାରତର ଅନ୍ୟାନ୍ୟ ଶୋଷିତ ତଥା ନିଷ୍ପେଷିତ ଜନଗଣଙ୍କ ପ୍ରତି ସମସ୍ତ ସାମାଜିକ ଓ କଲ୍ୟାଣମୂଳକ ଦାୟିତ୍ୱ ରୁ ଓହରି ନବ-ଉଦାରବାଦୀ କର୍ପୋରେଟବାଦର ତର୍କ ଅନୁଯାୟୀ, କର୍ପୋରେଟ୍ କ୍ରୋନି ପୁଞ୍ଜିପତିମାନଙ୍କ ବିକାଶ ଦାୟିତ୍ବ ଆର୍ ଏସ୍ ଏସ୍ ଫାସିବାଦ ସରକାର ନେଇଛନ୍ତି।
ଉଦାହରଣ ସ୍ୱରୂପ, ଜାତୀୟ ଗ୍ରାମୀଣ ନିଯୁକ୍ତି ଗ୍ୟାରେଣ୍ଟି ଯୋଜନା, ବିଶେଷଜ୍ଞଙ୍କ କହିବା ଅନୁଯାୟୀ, ଭାରତର ଅସହାୟ, ନିଷ୍ପେଷିତ ଏବଂ ଅଣକୁଶଳୀ ଗ୍ରାମୀଣ ଶ୍ରମିକଙ୍କୁ ସର୍ବନିମ୍ନ ଜୀବିକା ନିଶ୍ଚିତ କରିବା ପାଇଁ ୧୨୫ ଦିନିଆ କାମ ଦେବା ପାଇଁ ବଜେଟରେ ବାର୍ଷିକ ସର୍ବନିମ୍ନ ୩.୮୪ ଲକ୍ଷ କୋଟି ଟଙ୍କା ଖର୍ଚ୍ଚ କରିବାକୁ ପଡିବ। ଏହା ପରିବର୍ତ୍ତେ ମନରେଗାକୁ ଭିବି-ଜି ରାମର ନୂଆ ବଜେଟ୍ ୨୦୨୬-୨୭ ଏଥିପାଇଁ ମାତ୍ର ୯୫୦୦୦ କୋଟି ଟଙ୍କା ଆବଣ୍ଟନ କରିବା ସହିତ ଏହାର ଆର୍ଥିକ ଦାୟିତ୍ୱର ୪୦ ପ୍ରତିଶତ ରାଜସ୍ୱ ଅଭାବ ଥିବା ରାଜ୍ୟମାନଙ୍କ କାନ୍ଧକୁ ହସ୍ତାନ୍ତର କରାଯାଇଛି। ଭାରତର ପ୍ରାୟ ୪୭% ରୁ ୫୫% ସେମାନଙ୍କ ଜୀବିକା ପାଇଁ ପ୍ରତ୍ୟକ୍ଷ କିମ୍ବା ପରୋକ୍ଷ ଭାବରେ କୃଷି ଉପରେ ନିର୍ଭର କରନ୍ତି, କୃଷି କ୍ଷେତ୍ରରେ ମାତ୍ର ୩୦୦୦ କୋଟି ଟଙ୍କା କରାଯାଇଛି। ବୈଧାନିକ ଏମଏସପି ପରି କୃଷକଙ୍କ ଗୁରୁତ୍ୱପୂର୍ଣ୍ଣ ଦାବିକୁ ସମ୍ପୂର୍ଣ୍ଣ ଭାବରେ ଅଣଦେଖା କରାଯାଇଛି। ଏ ସମସ୍ତ ନୀତି ବିରୁଦ୍ଧରେ ସଡ଼କକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରନ୍ତୁ, ଧର୍ମଘଟରେ ସକ୍ରିୟ ଭାବେ ଅଂଶଗ୍ରହଣ କରନ୍ତୁ। ଶ୍ରମିକ ବିରୋଧୀ ୪ ଶ୍ରମ ସଂହିତା ପ୍ରତ୍ୟାହାର, ମନରେଗା ଆଇନକୁ ପୁନଃ ସ୍ଥାପନା, ଶ୍ରମିକଙ୍କୁ ବର୍ଷସାରା କାମ, ଶ୍ରମିକ କର୍ମଚାରୀମାନଙ୍କର ୧୪ ଦଫା ଦାବି, ଦୈନିକ ସର୍ବନିମ୍ନ ମଜୁରୀ ୧୦୦୦, ଠିକା ନୁହେଁ କି ଚୁକ୍ତିଭିତ୍ତିକ ନୁହେଁ ସମସ୍ତଙ୍କୁ ସ୍ଥାୟୀ ନିଯୁକ୍ତି, ବିଦ୍ୟୁତ ବିଲ୍ ୨୦୨୫ ପ୍ରତ୍ୟାହାର, ଗିଗ ଓ୍ବାର୍କରଙ୍କୁ ଶ୍ରମିକ ମାନ୍ୟତା ଓ ସମସ୍ତ ସାମାଜିକ ସୁରକ୍ଷା, ରାଜ୍ୟର ସମସ୍ତ ନିର୍ମାଣ ଓ ଅସଂଗଠିତ ଶ୍ରମିକଙ୍କ ପଞ୍ଜୀକରଣ ଓ ସାମାଜିକ ସୁରକ୍ଷା, ସମାନ କାମକୁ ସମାନ ମଜୁରୀ, ଶ୍ରମିକ ସ୍ୱାର୍ଥରକ୍ଷା ଦିଗରେ ପେନସନ ସ୍କିମ ପ୍ରଚଳନ, ସ୍ମାର୍ଟ ମିଟର ବସାଇ ଚାଷୀ ଓ ବିଦ୍ୟୁତ ଉପଭୋକ୍ତାଙ୍କ ଶୋଷଣ କୁ ବନ୍ଦ କରିବା, ସର୍ବନିମ୍ନ ପେନସନ ମାସିକ ୧୦ ହଜାର ଟଙ୍କାକୁ ବୃଦ୍ଧି, ସମସ୍ତ ବେକାରୀଙ୍କୁ ନିଯୁକ୍ତି ନହେଲେ ବେକାରୀ ଭତ୍ତା ଆଦି ଦାବିନେଇ ସମସ୍ତ ଶ୍ରମିକ, କୃଷକ, ପ୍ରଗତିଶୀଳ ସଂଗଠନ, ଗଣତାନ୍ତ୍ରିକ ଶକ୍ତି କର ବ୍ୟବସାୟୀ, ପରିବହନ କର୍ମଚାରୀ ଆଦି ଧର୍ମଘଟ କୁ ସଫଳ କରିବା ପାଇଁ ଟିୟୁସିଆଇ ପକ୍ଷରୁ ଶଙ୍କର ଇନକିଲାବ ନିବେଦନ କରିଥିଲେ। ଓଡ଼ିଶା ନିର୍ମାଣ ଶ୍ରମିକ ୟୁନିଅନର କାଳିଆ ନାହାକ, ଲକ୍ଷ୍ମୀ ଦାଶ, ପ୍ରମିଳା ନାହକ, ରାନୁ ନାହକ, ଭାନୁ ନାହକ ଆଦି ସାମିଲ ହୋଇଥିଲେ।
