ମାଇନ୍ସ ଅଧିକାରୀ କହି ଟ୍ରାକ୍ଟର ଗୁଡିକ ଠାରୁ ଜରିମାନା ଆଦାୟ ଅଭିଯୋଗ !
ଗୁଣୁପୁର,ରାୟଗଡା ଜିଲ୍ଲା ଗୁଣୁପୁର ସହର ସମେତ ଆଖପାଖ ଅଞ୍ଚଳ ରୁ ଆଜି ସକାଳୁ ଦୁଇଜଣ ବ୍ୟକ୍ତି ବିଶେଷ ଏକ କାର ରେ ଆସି ଟ୍ରାକ୍ଟର ଗୁଡିକୁ ଅଟକାଇ ୧୦ ହଜାର ଟଙ୍କା ଲେଖାଏଁ ଜରିମାନା ଆଦାୟ କରୁଥିବା ଦେଖିବାକୁ ମିଳିଥିଲା । ଜଣେ ନିଜକୁ ମାଇନ୍ସ ର ଅଧିକାରୀ କହୁଥିବା ବେଳେ ଆଉ ଜଣେ ଗାଡ଼ି ଗୁଡିକ ଅଟକାଇ ଜରିମାନା ଦେବା ପାଇଁ କହୁଥିଲେ । ତେବେ ହଠାତ ଗୁଣୁପୁର ସହର ମଧ୍ୟରେ ଏଭଳି ଘଟଣା ଘଟୁଥିବା ବିଜୁଳି ବେଗରେ ପ୍ରଚାରିତ ହେବା ପରେ କିଛି ଗଣମାଧ୍ୟମ ପ୍ରତିନିଧିମାନେ ପହଞ୍ଚି ସତ୍ୟାସତ୍ୟ ଯାଞ୍ଚ କରିଥିଲେ । ତେବେ ଏହି ଦୁଇଜଣଙ୍କ ମଧ୍ୟରୁ ଜଣେ ମାଇନ୍ସ ର ଅଧିକାରୀ ହୋଇଥିବା ବେଳେ ଅନ୍ୟଜଣେ ଅପରିଚିତ ବ୍ୟକ୍ତି ଥିବା ଜଣାପଡିଥିଲା । ଯିଏ କି ଗାଡି ଗୁଡ଼ିକ ଅଟକାଇବା କାର୍ଯ୍ୟ ରେ ଲାଗିପଡିଥିଲେ । ଗଣମାଧ୍ୟମ ପ୍ରତିନିଧିମାନେ ବାରମ୍ବାର ତାଙ୍କ ପରିଚୟ ପଚାରିଥିଲେ ମଧ୍ୟ କିଛି ନ କହି ନିଜ ମୁହଁକୁ ଗାମୁଛାରେ ଢ଼ାଙ୍କି ଦେଉଥିବା ଦେଖିବାକୁ ମିଳିଥିଲା । ତେବେ ଉକ୍ତ ମାଇନ୍ସ ଅଧିକାରୀ ମଧ୍ୟ ଏନେଇ ନୀରବ ରହିଥିଲେ । ତେବେ କିଏ ଏହି ଅଜଣା ବ୍ୟକ୍ତି ? ତାଙ୍କୁ କିଏ ପଠେଇଛନ୍ତି କାହା ସାହସରେ ସେ ଏଭଳି ଗାଡ଼ି ମଟର ଅଟକାଇବା କାର୍ଯ୍ୟ ରେ ନିୟୋଜିତ ଥିଲେ ତାହା ପ୍ରଶ୍ନବାଚୀ । ଯଦି ମାଇନ୍ସ ର କୌଣସି ଅଧିକାରୀ ତେବେ ନିଜ ପରିଚୟ ନ ଦେବା, ଗାମୁଛାରେ ମୁହଁ ଢାଙ୍କିବା କାରଣ କଣ ହୋଇପାରେ ?(ସୁରେନ୍ଦ୍ର ମହାନ୍ତି )
