କାନସୁକା ଗ୍ରାମରେ ତ୍ରିନାଥ ସ୍ବାମୀଙ୍କ ନୂତନ ବିଗ୍ରହ ସ୍ଥାପନ ଓ ମନ୍ଦିର ପ୍ରତିଷ୍ଠା ଉତ୍ସବ
ବୁଗୁଡ଼ା : ତା ୦୪/୦୩/୨୩ : ବୁଗୁଡ଼ା ବ୍ଲକ ଗୌଡ଼ିଆବୋରଦା ପଞ୍ଚାୟତ ଅନ୍ତର୍ଗତ କାନସୁକା ଗ୍ରାମରେ ଶ୍ରୀ ତ୍ରିନାଥ ସ୍ବାମୀଙ୍କ ନୂତନ ବିଗ୍ରହ ସ୍ଥାପନ ଓ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି । ଉକ୍ତ ଉତ୍ସବରେ କର୍ତ୍ତା ଭାବେ ପ୍ରଫୁଲ୍ଲ କୁମାର ପ୍ରଧାନ, ପ୍ରଚାରକ ଭାବେ ଜଗନ୍ନାଥ ଶତପଥି , ଆଚାର୍ଯ୍ୟ ଭାବେ ଜବାହରଲାଲ ଖାଡ଼ଙ୍ଗା , ବ୍ରହ୍ମା ଭାବେ ଚିରଞ୍ଜିବୀ ଷଡଙ୍ଗି , ନ୍ଯାସକାରକ ଭାବେ ହିମାଂଶୁ ଶେଖର ରଥ ଏବଂ ପୁରୋହିତ ଭାବେ ଅନିଲ କୁମାର ଷଡଙ୍ଗିଙ୍କ ସମେତ ଅନ୍ୟ ୧୦ ଜଣ ପୁରୋହିତ ଯୋଗ ଦେଇ ଯଥା ରୀତିନୀତି ପ୍ରକାରେ ପୂଜାପାଠ କାର୍ଯ୍ୟ ସମ୍ପାଦନ କରିଥିଲେ । ଏହି ଉତ୍ସବ ଉପଲକ୍ଷେ ଦୀକ୍ଷା ଗ୍ରହଣ, ଜଳଯାତ୍ରା , ଅଙ୍କୁରାରୋପଣ , ଜଳାସାଧିବାସ , ନାମାଧିବାସ ଆଦି କାର୍ଯ୍ୟକ୍ରମ ପୂର୍ବକ ୨୪ ପ୍ରହର ନାମଯଜ୍ଞ, ଘୃତଯଜ୍ଞ ଓ ଅନ୍ନଯଜ୍ଞ ଅନୁଷ୍ଠିତ ହୋଇଥିଲା । ଉକ୍ତ ନାମଯଜ୍ଞରେ ସାମନ୍ତରାପଲ୍ଲୀ , ବାଦଗଡ , ଗରେଇଝୁଳି , ଆଦିପୁର , ସୋଲଣ୍ଡି ଓ କାନସୁକା ଆଦି ଗ୍ରାମର ନାମ ସଂକୀର୍ତ୍ତିନ ଦଳ ଅଂଶ ଗ୍ରହଣ କରିଥିଲେ । ମନ୍ଦିର ପ୍ରତିଷ୍ଠା ଅନ୍ତେ ନାମଯଜ୍ଞ ପୂର୍ଣ୍ଣାହୁତି , ଦଧିଭାଣ୍ଡ ଭଞ୍ଜନ, ନଗର ଭ୍ରମଣ ଓ ଯମୁନା ସ୍ନାନ ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଉତ୍ସବ ପରିଚାଳନାରେ କାନସୁକା ଗ୍ରାମବାସୀଙ୍କ ସକ୍ରିୟ ସହଯୋଗ ରହିଥିଲା ।
