ଆଜି ସ୍ୱାୟତ୍ତ ଶାସନ ଦିବସ ଅବସରରେ ମାନ୍ୟବର ଶିଳ୍ପମନ୍ତ୍ରୀ ଶ୍ରୀଯୁକ୍ତ ସମ୍ପଦ ସ୍ଵାଇଁ ପାରାଦ୍ୱୀପ ପୌରପାଳିକା ଅନ୍ତର୍ଗତ ବିଭିନ୍ନ ୱାର୍ଡରେ କଲ୍ୟାଣ ମଣ୍ଡପ…

    ଆଜି ସ୍ୱାୟତ୍ତ ଶାସନ ଦିବସ ଅବସରରେ ମାନ୍ୟବର ଶିଳ୍ପମନ୍ତ୍ରୀ ଶ୍ରୀଯୁକ୍ତ ସମ୍ପଦ ସ୍ଵାଇଁ ପାରାଦ୍ୱୀପ ପୌରପାଳିକା ଅନ୍ତର୍ଗତ ବିଭିନ୍ନ ୱାର୍ଡରେ କଲ୍ୟାଣ ମଣ୍ଡପ ସେବା କେନ୍ଦ୍ର, ଭେଣ୍ଡିଂଜୋନ ଗୃହ, ବରିଷ୍ଠ ନାଗରିକ ଓ ଶିଶୁ ମନୋରଞ୍ଜନ ପାର୍କ, ମିଶନ ଶକ୍ତି ଗୃହ, ମୁକ୍ତାକାଶ ବ୍ୟାୟାମ କେନ୍ଦ୍ର, ପୂଜାସ୍ଥଳୀର ଉନ୍ନତିକରଣ କାର୍ଯ୍ୟ, ସମୂହ ରାସ୍ତା ନିର୍ମାଣ, ଗୋଷ୍ଠୀ ଶୌଚାଳୟ ଓ ଗୋଶାଳା, ଜଳ ନିଷ୍କାସନ କଲଭର୍ଟ ଏବଂ ବେଳାଭୂମି ସୌନ୍ଦର୍ଯ୍ୟକରଣ ଭଳି ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କରିଛନ୍ତି l

ପାରାଦ୍ୱୀପ ପୌରପାଳିକା ଅଞ୍ଚଳରେ ବସବାସ କରୁଥିବା ଜନସାଧାରଣଙ୍କୁ ମୌଳିକ ସୁବିଧା ଯୋଗାଇଦେବା ସହ ସେମାନଙ୍କର ସମସ୍ୟା ଦୂରୀକରଣ କରି ଏକ ସୁସ୍ଥ ବାସୋପଯୋଗୀ ପରିବେଶ ଯୋଗାଇଦେବା ତଥା ବିକଶିତ ପାରାଦ୍ୱୀପ ଗଠନ କରିବା ପାଇଁ ଆମ ସରକାର ପ୍ରତିବଦ୍ଧ l

ଆଜି ସ୍ୱାୟତ୍ତ ଶାସନ ଦିବସ ଅବସରରେ ପାରାଦ୍ୱୀପସ୍ଥିତ ଜୟଦେବ ସଦନ ଠାରେ ପାରାଦ୍ୱୀପ ପୌରପାଳିକା ପକ୍ଷରୁ ପାଳିତ ହେଉଥିବା “ସ୍ୱାୟତ୍ତ ଶାସନ ଦିବସ – ୨୦୨୪” ସମାରୋହରେ ମାନ୍ୟବର ସାଂସଦ ଶ୍ରୀ ବିଭୁ ପ୍ରସାଦ ତରାଇଙ୍କ ସହ ମାନ୍ୟବର ଶିଳ୍ପମନ୍ତ୍ରୀ ଶ୍ରୀ ସମ୍ପଦ ସ୍ଵାଇଁ ସାମିଲ ହୋଇଥିଲେ l
ଏହି ଅବସରରେ ବିଶିଷ୍ଟ କଣ୍ଠଶିଳ୍ପୀ, ଲେଖିକା, ସମାଜସେବୀ ଏବଂ ସ୍କୁଲକଲେଜ ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କୁ ସମ୍ମାନିତ କରାଯିବା ସହ ବିଭିନ୍ନ ଶିଳ୍ପାନୁଷ୍ଠାନର କତ୍ତୃପକ୍ଷଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l ବିଦ୍ୟାଳୟର କୃତି ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରିବା ସହ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ l