ବାଲିପଦରରେ ନାଟକ “ମଣିଷ ଗଛର ଛାଇ” ମଞ୍ଚସ୍ଥ
ବାଲିପଦରରେ ନାଟକ “ମଣିଷ ଗଛର ଛାଇ” ମଞ୍ଚସ୍ଥ
ବୁଗୁଡ଼ା : ତା ୨୦/୦୬/୨୩ : ବୁଗୁଡ଼ା ବ୍ଲକର ବାଲିପଦର ଗ୍ରାମରେ ଶୀତଳ ଷଷ୍ଠୀ ଯାତ୍ରା ଉପଲକ୍ଷେ ଶ୍ରୀ ନିଳକଣ୍ଠେଶ୍ବର ସ୍ବାମୀ ନାଟ୍ଯ ସଂସଦ ପକ୍ଷରୁ ନାଟକ “ମଣିଷ ଗଛର ଛାଇ” ମଞ୍ଚସ୍ଥ ହୋଇଯାଇଛି । ଉକ୍ତ ନାଟକର ଉଦଘାଟନୀ ଉତ୍ସବରେ ଉଦଘାଟକ ଭାବେ ଘୁମୁସର ସାଙ୍ଗଠନିକ ଜିଲ୍ଲା ବିଜେପି ସଭାପତି ଗୋକୁଳାନନ୍ଦ ମଲ୍ଲିକ ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବେ ପୁର୍ବତନ ସରପଞ୍ଚ ରବିନ୍ଦ୍ର କୁମାର ପରିଡା , ସମ୍ମାନିତ ଅତିଥି ଭାବେ କୋକରାମ ଜେନା , ଦିପକ କୁମାର ପ୍ରଧାନ , ପୂର୍ଣ୍ଣ ଚନ୍ଦ୍ର ଜେନା , ହର ପ୍ରସାଦ ଦାଶ , ସନ୍ତୋଷ କୁମାର ଭୋଳ, ମହେନ୍ଦ୍ର ପ୍ରସାଦ ପଣ୍ଡା , ଶାନ୍ତନୁ ନାୟକ , ପ୍ରକାଶ ମହାରଥା, ଭଗବାନ ଜେନା ପ୍ରମୁଖ ଯୋଗ ଦେଇ ଦର୍ଶକଙ୍କୁ ଉତ୍ସାହିତ କରିଥିଲେ । ଉକ୍ତ କାର୍ଯ୍ୟକ୍ରମକୁ ବଂଶୀଧର ବିଷୋୟୀ ସଂଯୋଜନା କରିଥିଲେ । ନିର୍ଦ୍ଦେଶକ ଶରତ ଚନ୍ଦ୍ର ଦାସ ଓ ସହ-ନିର୍ଦ୍ଦେଶକ ପବିତ୍ର ମୋହନ ପ୍ରଧାନଙ୍କ ନିର୍ଦ୍ଦେଶନାରେ ମଞ୍ଚସ୍ଥ ଉକ୍ତ ନାଟକଟିକୁ ନାଗଭୂଷଣ ବିଷୋୟୀ ପରିଚାଳନା କରିଥିବା ବେଳେ ଜିତେଶ୍ କୁମାର ଗୌଡ ତାଙ୍କର ମୁଖ୍ୟ ସହଯୋଗୀ ଭାବେ ରହିଥିଲେ ଏବଂ ଗଣେଶ ଭାଇ ମ୍ଯୁଜିସିଆନ୍ ଦାୟିତ୍ବ ନିର୍ବାହ କରିଥିଲେ । ଉକ୍ତ ସାମାଜିକ ନାଟକଟିକୁ ଦର୍ଶକ ମନଭରି ଉପଭୋଗ କରିଥିଲେ ।
