BRICS ଶିଖର ସମ୍ମିଳନୀରେ ଛାଇଲା କୋରାପୁଟ କଫି
କୋରାପୁଟ, ୧୩/୦୯: ଓଡ଼ିଶାର ପ୍ରସିଦ୍ଧ କୋରାପୁଟ କଫି ଆନ୍ତର୍ଜାତିକ ସ୍ତରରେ ପୁଣିଥରେ ସ୍ୱତନ୍ତ୍ର ପରିଚୟ ସୃଷ୍ଟି କରିଛି। BRICS ଶିଖର ସମ୍ମିଳନୀରେ ଯୋଗ ଦେଇଥିବା ବିଦେଶୀ ପ୍ରତିନିଧି ଓ ସାମ୍ବାଦିକମାନଙ୍କୁ କୋରାପୁଟ କଫିର ସ୍ୱାଦ ଚଖାଇ ଓଡ଼ିଶାର କଫି ସଂସ୍କୃତି ସହ ପରିଚିତ କରାଯାଇଛି। ଜିଆଇ (GI) ଟ୍ୟାଗ୍ ପାଇଥିବା କୋରାପୁଟ କଫି ଆଦିବାସୀ ଚାଷୀମାନଙ୍କ ଦ୍ୱାରା ପ୍ରାକୃତିକ ଉପାୟରେ ଚାଷ କରାଯାଉଥିବାରୁ ଏହାର ସୁଗନ୍ଧ ଓ ସ୍ୱାଦ ସ୍ୱତନ୍ତ୍ର ବୋଲି ବିଶେଷଜ୍ଞମାନେ କହିଛନ୍ତି। ଏହି ସୁଯୋଗରେ କୋରାପୁଟ କଫି ବିଶ୍ୱ ବଜାରରେ ଅଧିକ ପରିଚିତ ହେବା ସହ ସ୍ଥାନୀୟ କଫି ଚାଷୀମାନଙ୍କ ଆୟ ବୃଦ୍ଧିର ନୂଆ ଦ୍ୱାର ଖୋଲିବ ବୋଲି ଆଶା ପ୍ରକାଶ ପାଇଛି। (ଗୁପ୍ତେଶ୍ଵର ରଥ କୋରାପୁଟ)
