ବ୍ରାହ୍ମଣୀଗାଁ ଥାନା ପକ୍ଷରୁ ଆମ ପୋଲିସ୍ ସମିତି ବୈଠକ
ବ୍ରାହ୍ମଣୀଗାଁ ତା ୩୧/୨୩ କନ୍ଧମାଳ ଜିଲ୍ଲା ଦାରିଙ୍ଗବାଡି ବକ୍ଳ ବ୍ରାହ୍ମଣୀଗାଁ ଥାନା ଅଞ୍ଚଳର ସ୍ଥାନିୟ ନେତୃବୃନ୍ଦଙ୍କୁ ନେଇ ବ୍ରାହ୍ମଣୀଗାଁ ଥାନା ଅଧିକାରୀ ଚାପାଧାରି ପ୍ରଧାନଙ୍କ ଅଧ୍ୟକ୍ଷତାରେ ଆମ ପୋଲିସ୍ ସମିତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ଜରିଆରେ ପୋଲିସ୍ ସହିତ ଜନସାଧାରଣଙ୍କ ସୁସମ୍ପର୍କ କିଭଳି ସ୍ଥାପନା କରାଯାଇପାରିବ ସେ ସମ୍ପର୍କରେ ଆଲୋଚନା କରାଯାଇଥିଲା । ଏହି ବୌଠକରେ ପୋଲିସର କାର୍ଯ୍ୟକଳାପ କିପରି ହେବା ଆବଶ୍ୟକ ଓ ଜନସାଧାରଣ କିଭଳି ପୋଲିସର ନିକଟତର ହୋଇ ପାରିବେ ସେନେଇ କନ୍ଧମାଳ ଜିଲ୍ଲା ଯୁଗ୍ମ ମାନବଧିକାର ଆବାହାକ ବିକ୍ରମ ବସ୍ତରାୟ ମନ୍ତବ୍ଯ ରଖିଥିଲେ । ଅଞ୍ଚଳର ଜନସାଧାରଣଙ୍କର ଆଇନ୍ ଶୃଙ୍ଖଳା ରକ୍ଷା କରିବା କ୍ଷେତ୍ରରେ ପୋଲିସ୍ କିଭଳି ସହାୟକ ହୋଇ ପାରିବ ସେ ସମ୍ପକରେ ଥାନା ଅଧିକାରୀ ଶ୍ରୀ ପ୍ରଧାନ ନିଜ ବକ୍ତବ୍ୟ ରଖିଥିଲେ ଶେଷରେ ଥାନା ଉପ ଆରକ୍ଷୀ ଅଧିକାରୀ ଅମେରେନ୍ଦ୍ର ସୁବୁଦ୍ଧି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମ ପରିଚାଳନାରେ ଥାନା ରାଇଟର ଅଶୋକ କୁମାର ସାହୁ, ସମେତ ସମସ୍ତ ପୋଲିସ୍ କର୍ମଚାରୀ ଗୃରରକ୍ଷୀ ମାନେ ସହଯୋଗ କରିଥିବା ବେଳେ ବରିଷ୍ଠ ସାମ୍ବାଦିକ ଲକ୍ଷ୍ମୀକାନ୍ତ ରାଜଗୁରୁ, ମନୋରଞ୍ଜନ ରଣା, ରାଜ୍ୟ ପୁରସ୍କାର ପାପ୍ତ ଶ୍ରେଷ୍ଠ
ସାମ୍ବାଦିକ ମାଧବ ପାଇକ, ସାମ୍ବାଦିକ ଅଶୋକ ସିଂ, ପ୍ରମୁଖ ଯୋଗଦେଇଥିଲେ ।(କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ରୁ ମନୋରଞ୍ଜନ ରଣା ଙ୍କ ରିପୋର୍ଟ)
