ବୁଦ୍ଧଖୋଲରେ ଏବିଭିପି ପକ୍ଷରୁ ସଫେଇ କାର୍ଯ୍ୟକ୍ରମ

ବୁଗୁଡା : ତା ୩୦/୦୫/୨୩ : ସ୍ଥାନୀୟ ଐତିହାସିକ ଶୈବପୀଠ ବୁଦ୍ଧଖୋଲଠାରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ବୁଗୁଡ଼ା ଶାଖା ପକ୍ଷରୁ ଏକ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପରିଷଦର ସଦସ୍ୟଗଣ ବୁଦ୍ଧଖୋଲ ମନ୍ଦିର ପରିସରକୁ ସଫା କରିବା ସହ ଏହି ଧାର୍ମିକ ପର୍ଯ୍ୟଟନସ୍ଥଳୀକୁ ସ୍ୱଚ୍ଛ ରଖିବା ପାଇଁ ଲୋକମାନଙ୍କୁ ସଚେତନ କରିଥିଲେ । ଏହି କାର୍ଯ୍ୟକ୍ରମରେ ଗଞ୍ଜାମ ବିଭାଗ ସଂଯୋଜକ ସୌଭାଗ୍ୟ ମହାନ୍ତି, ରାଜ୍ୟ ସହ-ସମ୍ପାଦକ ସ୍ବାଗତ କୁମାର ତ୍ରିପାଠୀ, ଘୁମୁସର ଜିଲ୍ଲା ସଂଯୋଜକ ଅନିଲ କୁମାର ସ୍ବାଇଁ, ପିପୁଲ୍ସ କଲେଜର ପୂର୍ବତନ ଛାତ୍ର ସଂସଦ ସଭାପତି ପ୍ରକାଶ ମହାରଥା ଅତିଥି ଭାବେ ଯୋଗଦେଇ ବିଦ୍ୟାର୍ଥୀ ପରିଷଦର ଲକ୍ଷ୍ଯ ଓ ଆଭିମୁଖ୍ୟ ସମ୍ପର୍କରେ ସ୍ବେଚ୍ଛାସେବୀଙ୍କୁ ଅବଗତ କରାଇଥିଲେ । ଛାତ୍ର ନେତା ବୁଲୁ ସାହୁଙ୍କ ତତ୍ତ୍ବାବଧାନରେ ଆୟୋଜିତ ଉକ୍ତ ଏହି କାର୍ଯ୍ୟକ୍ରମରେ ରାକେଶ ଜେନା ଓ ଶାନ୍ତନୁ ପାତ୍ରଙ୍କ ସମେତ ବହୁ ଛାତ୍ର ଯୋଗଦେଇଥିଲେ । ଏବିଭିପିର ଏତାଦୃଶ ସଫେଇ କାର୍ଯ୍ୟକ୍ରମ ବିଭିନ୍ନ ମହଲରେ ପ୍ରଶଂସିତ ହୋଇଛି ।