୧୭୫ ଜଣ ଛାତ୍ରଛାତ୍ରୀ ଦେଲେ ନବୋଦୟ ପ୍ରବେଶିକା ପରୀକ୍ଷା 

ବୁଗୁଡ଼ା : ତା ୨୯/୦୪/୨୩ : ଜବାହର ନବୋଦୟ ବିଦ୍ୟାଳୟର ପ୍ରବେଶିକା ପରୀକ୍ଷା ସ୍ଥାନୀୟ ପିପୁଲ୍ସ ହାଇସ୍କୁଲ କେନ୍ଦ୍ରରେ ଅନୁଷ୍ଠିତ ହୋଇଯାଇଛି । ଉକ୍ତ ପ୍ରବେଶିକା ପରୀକ୍ଷା ପାଇଁ ବୁଗୁଡ଼ା ବ୍ଲକର ବିଭିନ୍ନ ମୋଟ ୧୯୩ ଜଣ ଛାତ୍ରଛାତ୍ରୀ ଫର୍ମ ପୂରଣ କରିଥିଲେ। ତେବେ ଆଜି ୧୭୫ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ୧୮ ଜଣ ଅନୁପସ୍ଥିତ ରହିଥିଲେ । ଉକ୍ତ ପରୀକ୍ଷା କେନ୍ଦ୍ରର ସୁପରିଟେଣ୍ଡେଣ୍ଟ୍ ଦାୟିତ୍ବରେ ଶିକ୍ଷକ ପ୍ରଶାନ୍ତ କୁମାର ଗୌଡ ରହିଥିବା ବେଳେ ୯ ଜଣ ଶିକ୍ଷକ ଓ ଶିକ୍ଷୟିତ୍ରୀ ନିରୀକ୍ଷକ ଭାବେ ନିଯୋଜିତ ଥିଲେ । ସ୍ଥାନୀୟ ବିଇଓ କାର୍ଯାଳୟ ପକ୍ଷରୁ ଗୋଷ୍ଠୀ ସାଧନ କେନ୍ଦ୍ର ସଂଯୋଜକ ସିମାଞ୍ଚଳ ସେଠୀ ଓ ସୁରଙ୍ଗି ନବୋଦୟ ବିଦ୍ୟାଳୟ ପକ୍ଷରୁ ଶିକ୍ଷକ ହୁସେନ୍ ମହମ୍ମଦ ଅଖତାର କେନ୍ଦ୍ର ପର୍ଯ୍ୟବେକ୍ଷକ ରୁପେ ଯୋଗ ଦେଇଥିଲେ । ଶାନ୍ତି ଶୃଙ୍ଖଳାର ସହ ପରୀକ୍ଷା ସମ୍ପନ୍ନ ହୋଇଥିଲା ।