ମନରେଗା କାର୍ଯ୍ୟସ୍ଥଳରୁ ଟ୍ରାକ୍ଟର ଡ୍ରାଇଭରଙ୍କ ମୃତ ଦେହ ଉଦ୍ଧାର 

ବୁଗୁଡ଼ା : ତା ୨୪/୦୪/୨୩ : ବୁଗୁଡ଼ା ଥାନା ଅନ୍ତର୍ଗତ ଲକ୍ଷ୍ମୀପୁର ଗାଁ ନିକଟ ମନରେଗା କାର୍ଯ୍ୟସ୍ଥଳରୁ ଜନୈକ ଟ୍ରାକ୍ଟର ଡ୍ରାଇଭରଙ୍କ ମୃତ ଦେହ ଉଦ୍ଧାର କରାଯାଇଥିବା ଘଟଣା ଅଞ୍ଚଳରେ ଚାଞ୍ଚଲ୍ଯ ସୃଷ୍ଟି କରିଛି । ମୃତ ଟ୍ରାକ୍ଟର ଚାଳକ ଜଣକ ପୋଲସରା ଥାନା ଅନ୍ତର୍ଗତ ହାତୀପାଦପଲ୍ଲୀ ଗ୍ରାମର ସିମାଞ୍ଚଳ ପ୍ରଧାନ(୩୨) । ପ୍ରକାଶ ଯେ , ଆଜି ସକାଳେ ଖୋଳଖାଳି ପଞ୍ଚାୟତ ଅନ୍ତର୍ଗତ ଲକ୍ଷ୍ମୀପୁର ଗାଁ ନିକଟ ବାଲିଘାଇ ଠାରେ ମନରେଗା କାର୍ଯ୍ୟସ୍ଥଳରେ ଏକ ଟ୍ରାକ୍ଟରର ଚକା ପାଖରେ ସିମାଞ୍ଚଳଙ୍କ ମୃତ ଶରୀର ପଡିଥିବା ଦେଖିବାକୁ ମିଳିଥିଲା । ଏ ଖବର ପ୍ରଚାରିତ ହେବା ପରେ ସେଠାକୁ ଲୋକଙ୍କ ସୁଅ ଛୁଟିବାକୁ ଲାଗିଲା । ପରେ ପରେ ସେଠାରେ ପୋଲିସ ମଧ୍ୟ ପହଞ୍ଚିଲା । ସିମାଞ୍ଚଳଙ୍କୁ ମନରେଗା କାର୍ଯ୍ୟସ୍ଥଳରୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ବୁଗୁଡ଼ା ମେଡିକାଲକୁ ଅଣାଯାଇଥିଲା ଏବଂ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ । ମେଡିକାଲରେ ସ୍ଥାନୀୟ ତହସିଲଦାର ଓ ପୋଲିସ ସାଙ୍ଗକୁ ବିଭିନ୍ନ ରାଜନୈତିକ ଦଳର ବ୍ଯକ୍ତିମାନଙ୍କ ଭିଡ ଦେଖିବାକୁ ମିଳିଥିଲା । ଏ ନେଇ ମୃତ ସିମାଞ୍ଚଳଙ୍କ ସମ୍ପର୍କୀୟ ଗୌତମ ବିଷୋୟୀଙ୍କ ଅଭିଯୋଗ କ୍ରମେ ପୋଲିସ ଶବକୁ ଜବତ କରି ବ୍ଯବଚ୍ଛେଦ ପାଇଁ ପଠାଇବା ସହ କେସ୍ ନଂ ୨୭୯/୨୩ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ଜଣାଯାଇଛି ।

ବୁଗୁଡ଼ା ରିପୋର୍ଟ ହର ପ୍ରସାଦ ପାଢି