ମଦ ଜବତ , ଜଣେ ଗିରଫ

ବୁଗୁଡ଼ା : ତା ୧୩/୦୪/୨୩ : ବୁଗୁଡ଼ା ଥାନା ଅନ୍ତର୍ଗତ ଦଦରାଖୋଲ ଛକରୁ ଜନୈକ ଚୋରା ମଦ ବେପାରୀକୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି । ଗିରଫ ମଦ ବେପାରୀ ଜଣକ ହେଲେ ବୁଗୁଡ଼ା ଥାନା ଅନ୍ତର୍ଗତ ବି.ବ୍ରହ୍ମପୁର ଗ୍ରାମର ବିପିନ ସ୍ବାଇଁ (୫୭) । ଏ ନେଇ ଥାନାରେ କେସ୍ ନଂ ୨୪୧/୨୩ରେ ଏକ ମାମଲା ରୁଜୁ ହୋଇଥିବା ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି । ପ୍ରକାଶ ଯେ , ଗତକାଲି ସନ୍ଧ୍ଯାରେ ବିପିନ ଗୋଟିଏ ଜରି ବ୍ଯାଗରେ ରନ୍ଧା ମଦ ଧରି ଦଦରାଖୋଲ ଛକରେ ଲୁଚାଛପାରେ ବେପାର କରୁଥିଲା । କୌଣସି ସୂତ୍ରରୁ ଖବର ପାଇ ପୋଲିସ ସେଠାରେ ଚଢ଼ାଉ କରି ତା’ଠାରୁ ୨୦ ଲିଟର ଦେଶୀ ରନ୍ଧା ମଦ ଜବତ କରିବା ସହ ତାକୁ ଗିରଫ କରିଥିଲା ।