ସରକାରୀ ଉଚ୍ଚ ବିଦ୍ୟାଳୟରେ ସି.ଆର.ସି.ସି. କିଏ…ବୋଲି କହୁଛନ୍ତି ସହକାରୀ ଶିକ୍ଷକ…..

ତିର୍ତ୍ତୋଲ

ଜଗତସିଂହପୁର ଜିଲ୍ଲାର ତିର୍ତ୍ତୋଲ ମଣ୍ଡଳ ଶିକ୍ଷାଧିକାରୀ ଙ୍କ କାର୍ଯ୍ୟାଳୟ ବିବାଦୀୟ ଭାବେ ବହୁ ଚର୍ଚ୍ଚାରେ ଥିବାବେଳେ, ଶିକ୍ଷIମଣ୍ଡଳ ଅଧୀନରେ ଥିବା ବିଦ୍ୟାଳୟ ମଧ୍ୟ ବାଦ ଯାଉନାହିଁ l କୌଣସି ନା କୌଣସି କାରଣ ପାଇଁ ବିଦ୍ୟାଳୟ ଚାଲି ଆସୁଛି ବିବାଦ ଘେରକୁ l ସେ ଶିକ୍ଷକ ଙ୍କ ଅଭାବ ନେଇ ତାଲା ବନ୍ଦ ଆନ୍ଦୋଳନ ହେଉ ଅବା ମଧ୍ୟାନ୍ନଭୋଜନ ଚାଉଳ ଘୋଟଲା ହେଉ l ଏବେ ଏବେ ସାମ୍ନାକୁ ଆସିଛି ଆଉ ଏକ ବିବାଦ l ବିଦ୍ୟାଳୟ ମଧ୍ୟରେ ବହୁ ସମୟରେ ଦେଖିବାକୁ ମିଳୁ ନାହାନ୍ତି ପ୍ରଧାନ ଶିକ୍ଷକ l ପାଠପଢାରେ ଅନିୟମିତତା ଲାଗିରହୁଛି l ଦୂର ଦୂରାନ୍ତରୁ ଅବସ୍ଥାପିତ ହୋଇଥିବା ଶିକ୍ଷକ ଶିକ୍ଷୟିତ୍ରୀ ବିଭିନ୍ନ ଆଳ ଦେଖାଇ ନିଜ ଘର କଥା ଭାବି ଅନୁପସ୍ଥିତ ରହି ଆସୁଛନ୍ତି l ହେଡ଼ ମାଷ୍ଟର କୁଆଡେ ଗଲେ ବୋଲି କେହି ପଚାରିଲେ, ସହକାରୀ ଶିକ୍ଷକ ଜଣେ କହୁଛନ୍ତି ଯେ ସାର ଏବେ ଥିଲେ ଏବେ ଟିକେ କାମରେ ଯାଇଛନ୍ତି l ବାସ୍ତବ କଥା ହେଲେ ମେରିରାୟ ନୀତିରେ ଚାଲିଛି ବିଦ୍ୟାଳୟ l ସମସ୍ତ ଶିକ୍ଷକ ଉଭୟଙ୍କୁ ସୁହାଇଲା ପରି କାର୍ଯ୍ୟ କରିଚାଲିଛନ୍ତି l ଏହି ସ୍କୁଲର ସିଆରସିସି କିଏ ବୋଲି ପଚାରିଲେ ସହକାରୀ ଶିକ୍ଷକ କହୁଛନ୍ତି ଯେ ସିଆରସିସି କିଏ ? ଏଇଟା ପ୍ରାଥମିକ ସ୍କୁଲ ନୁହେଁ l ଏଠି ସିଆରସିସି କଣ କରିବେ…? ସବୁଠୁ ବଡ ବିଷୟ ଏହାଯେ ଛାତ୍ରୀ ମାନଙ୍କୁ ଡେସ୍କ ବେଞ୍ଚ ସଫେଇ କରିବାକୁ ନିୟୋଜିତ କରାଯାଉଛି l 5T ଯୋଜନାରେ ଲକ୍ଷଲକ୍ଷ ଟଙ୍କା ଖର୍ଚ୍ଚକରି ବିଦ୍ୟାଳୟ ଗୁଡିକୁ ଉନ୍ନତ କରାଗଲା କିନ୍ତୁ ଉନ୍ନତି ହୋଇପାରିଲାନି ଶିକ୍ଷାଦାନ ଏବଂ ଶିକ୍ଷକ ମାନଙ୍କର l ଏପରି ସଂଗୀନ ଦୃଶ୍ୟ ଦେଖିବାକୁ ମିଳିଛି ତିର୍ତ୍ତୋଲ ଶିକ୍ଷା ମଣ୍ଡଳ ଅଧିନସ୍ତ କନିମୂଳ ପଞ୍ଚାୟତ ର ଉଷାମଣୀ ଉଚ୍ଚ ବିଦ୍ୟାଳୟ ମଧ୍ୟରେ l ଜଗତସିଂହପୁର ମଣ୍ଡାସାହି ଅଞ୍ଚଳରୁ ଆସୁଥିବା ପ୍ରଧାନଶିକ୍ଷକ, ବିଦ୍ୟାଳୟ ପାଇଁ ସମୟ ନଦେଇ ପ୍ରବଳ ରାଜନୀତି ଚଲେଇଛନ୍ତି l ସେଥିପାଇଁ ବହୁ ସମୟରେ ବିଦ୍ୟାଳୟ ରେ ଅନୁପସ୍ଥିତ ରହିବାର ସ୍ଥାନୀୟ ଅବିଭାବକ ଜଣାଇଛନ୍ତି l ସ୍ମରଣଯୋଗ୍ୟ ଯେ ବିଶିଷ୍ଟ ଯନ୍ତ୍ରୀ ସୁସାହିତ୍ୟିକ ଇଂ. ପ୍ରଭାକର ସ୍ୱାଇଁ ଉକ୍ତ ସ୍କୁଲ ର ପ୍ରତିଷ୍ଠାତା ହୋଇଥିଲେ ମଧ୍ୟ ସ୍କୁଲ ର ଏପରି ଦୟନୀୟ ଅବସ୍ଥାରେ କୌଣସି ଦାୟିତ୍ୱରୁ ଦୂରରେ ଥିବାରୁ, ବାଘ ଘରେ ମିରିଗ ନାଟ ଚାଲିଛି ବୋଲି ଚର୍ଚ୍ଚା ହେଉଛି l ବିଭାଗୀୟ ଅଧିକାରୀ ଏହି ବିଦ୍ୟାଳୟ ପ୍ରତି ଯେବେ ଦୃଷ୍ଟି ନଦେବେ ତାହାହେଲେ ଏଠାରେ ପଢ଼ୁଥିବା ଛାତ୍ରଛାତ୍ରୀ ଙ୍କର ଭବିଷ୍ୟତ ଘୋର ଅନ୍ଧକାର ମୟ ହେବାରେ କେହି ବି ଅଟକେଇ ପାରିବେନି ।

ତିର୍ତୋଲ ରୁ ରଞ୍ଜନ କୁମାର ମଲ୍ଲିକ ଙ୍କ ରିପୋର୍ଟ ।