ଉମରକୋଟ ଠାରେ ଆରମ୍ଭ ହୋଇଛି ପ୍ରସିଦ୍ଧ ଜଗତଜନନୀ ମାଁ ଠାକୁରାଣୀଙ୍କ ନବଦିନ କଳସୀ ଯାତ୍ରା…………

ଉମରକୋଟ:-(ଏମ୍.ଦିନା°ଶୁ ଆଚାରୀ) ଉମରକୋଟ ରେ ସୋମବାର ଠାରୁ ଆରମ୍ଭ ହୋଇଥିବା ଏହି ଯାତ୍ରା ଆସନ୍ତା ମଙ୍ଗଳବାର ପର୍ଯ୍ୟନ୍ତ ଚାଲିବ। ପ୍ରତି ଦିନ ମାଁ ଙ୍କ ଘଣ୍ଟ କଳସୀ ଉମରକୋଟ ସହରର ପ୍ରତ୍ୟେକ ସାହି ବସ୍ତି ପରିକ୍ରମା କରିଵେ ସହ ରାତି ରେ ମାଁ ଗାନ୍ଧୀ ଛକ ଠାରେ ମନ୍ଦିରରେ ଆସି ଭକ୍ତ ଙ୍କୁ ଦର୍ଶନ ଦେବେ। ନବଦିନ ଯାତ୍ରା ପାଇଁ ଉମରକୋଟ ସହର ଏବେ ଚଳଚଞ୍ଚଳ ହୋଇଉଠିଥିବା ବେଳେ ଚାରିଆଡ଼େ ଭକ୍ତି ମୟ ପରିବେଶ ଦେଖିବାକୁ ମିଳିଛି। ଏହି ଯାତ୍ରା ଦେଖିବା କୁ ଆଖପାଖ ଅଞ୍ଚଳ ସହ ପଡୋଶୀ ରାଜ୍ୟ ଛତିଶଗଡରୁ ବହୁ ସଂଖ୍ୟାରେ ଭକ୍ତ ଆସିଥାନ୍ତି l ମୀନା ବଜାର ସହ ମହାରାଷ୍ଟ୍ର , ପଡୋଶୀ ରାଜ୍ୟ ଛତିଶଗଡ, ଆନ୍ଧ୍ରର ବ୍ୟବସାୟୀ ମାନେ ଅନେକ ଘର କରଣା ଉପକରଣ ,ଘର ସଜା ଓ ହସ୍ତକଳା ସାମଗ୍ରୀ ଷ୍ଟଲ ପଡିଥିବା ଦେଖିବାକୁ ମିଳିଛି। ମନୋରଞ୍ଜନ ପାଇଁ ପ୍ରତେକ ଦିନ ବିଭିନ୍ନ କାର୍ଯ୍ୟକ୍ରମର ଆୟୋଜନ କରିଥିବା ପୂଜା କମିଟିର ସଭାପତି ସାଇନାରାୟଣ ପାଢ଼ୀ କହିଛନ୍ତି। ପୂଜା କାର୍ଯ୍ୟ ଶାନ୍ତିପୂର୍ଣ ଭାବେ ସମ୍ପନ କରିବା ପାଇଁ ସମସ୍ତ ଚେଷ୍ଟା କରାଯାଇଛି । ପ୍ରବଳ ଭିଡ଼ କୁ ନିୟନ୍ତ୍ରଣ ପାଇଁ ପୋଲିସ ପ୍ରଶାସନ ପକ୍ଷରୁ ମଧ୍ୟ ସୁବ୍ୟବସ୍ଥା କରାଯାଇଛି।