ମା ଚାମୁଣ୍ଡା ହେଣ୍ଡବଲ ଟୁର୍ନାମେଣ୍ଟ ଉଦଯାପିତ ପୁରୁଷୋତ୍ତମପୁର ଚମ୍ପିୟାନ

ଗଞ୍ଜାମ -ପ୍ରଦୀପ କୁମାର ପଣ୍ଡା

ଗଞ୍ଜାମ ବ୍ଲକ ମଲାଡ଼ ପଞ୍ଚାୟତ କୁଶପଲ୍ଲୀରେ ଦଶଦିନ ଧରି ଚାଲିଥିବା ମା ଚାମୁଣ୍ଡା ହେଣ୍ଡବଲ ଟୁର୍ନାମେଣ୍ଟ ଉଦଯାପିତ ହୋଇଯାଇଛି l ଟୁର୍ନାମେଣ୍ଟର ଅନ୍ତିମ ଦିବସ ତଥା ଫାଇନାଲ ମ୍ୟାଚରେ ସାତୁଳୀ ଟିମ ସହ ପୁରୁଷୋତ୍ତମପୁର ଟିମ ମଧ୍ୟରେ ମୁକାବିଲା ହୋଇଥିଲା l ଏଥିରେ ପୁରୁଷୋତ୍ତମପୁର ଟିମ ତିନୋଟି ଯାକ ସେଟ ଜିତି ଚମ୍ପିୟାନ ହୋଇଥିଲା l ପୁରସ୍କାର ବିତରଣ ଉତ୍ସବରେ ଛତ୍ରପୁର ବିଧାୟକ ସୁବାଷ ଚନ୍ଦ୍ର ବେହେରା ମୁଖ୍ୟ ଅତିଥି ଭାବେ ଯୋଗ ଦେଇ ଚମ୍ପିୟାନ ଟିମକୁ ଟ୍ରଫି ସାତୁଳି ଟିମକୁ ରନର୍ସଅପ ଟ୍ରଫି ପ୍ରଦାନ କରିଥିଲେ l ଗ୍ରାମ ଗ୍ରାମ ମଧ୍ୟରେ ସୁସମ୍ପର୍କ ଏବଂ ଭାଇଚାରା ସୃଷ୍ଟି କରିବା ପାଇଁ କ୍ରୀଡା ଟୁର୍ନାମେଣ୍ଟ ଏକ ମାଧ୍ୟମ ବୋଲି ବିଧାୟକ ବେହେରା ନିଜ ବକ୍ତବ୍ୟରେ କହିଥିଲେ l ଅନ୍ୟ ମାନଙ୍କ ମଧ୍ୟରେ ମଲାଡ଼ ସରପଞ୍ଚ ମମତା ବେହେରା, ପୂର୍ବତନ ବ୍ଲକ ଅଧକ୍ଷ ସୁରଥ ପାହନ, ବିଜେଡି ଜିଲ୍ଲା ଛାତ୍ର ଉପସଭାପତି ଲିଙ୍ଗରାଜ ମହାପାତ୍ର, ସମିତିସଭ୍ୟ ପ୍ରତିନିଧି କୈଳାଶ ସ୍ୱାଇଁ, ସରପଞ୍ଚ ପ୍ରତିନିଧି ସୁଦାମ ବେହେରା ପ୍ରମୁଖ ଉପସ୍ଥିତ ଥିଲେ l ଫାଇନାଲ ମ୍ୟାଚରେ ପୁରୁଷୋତ୍ତମପୁର ଟିମ ଉଚ୍ଚ କୋଟିର ଖେଳ ପ୍ରଦର୍ଶନ କରିଥିଲା l ଖେଳ ଦେଖିବା ଲାଗି ଆଖପାଖ ଅଂଚଳର ବହୁତ ଉତ୍ସାହି ଯୁବକଙ୍କ ଭିଡ଼ ଜମିଥିଲା l