ଶିଶୁ ମନ୍ଦିରରେ “ପ୍ରଥମ ଦିନ” ଉତ୍ସବ

ଶିଶୁ ମନ୍ଦିରରେ “ପ୍ରଥମ ଦିନ” ଉତ୍ସବ
ବୁଗୁଡ଼ା : ତା ୦୧/୦୪/୨୩ : ସ୍ଥାନୀୟ ସରସ୍ବତୀ ଶିଶୁ ବିଦ୍ୟା ମନ୍ଦିର ପକ୍ଷରୁ ସ୍ବପରିସରରେ ପବିତ୍ର ଉତ୍କଳ ଦିବସରେ “ପ୍ରଥମ ଦିବସ” ଉତ୍ସବ ପାଳିତ ହୋଇଯାଇଛି । ଶିଶୁ ମନ୍ଦିର ପରିଚାଳନା ସମିତି ସଭାପତି ବ୍ରଜ କିଶୋର ପାଢ଼ୀଙ୍କ ପୌରହିତ୍ଯରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ଅତିଥି ଭାବେ ତ୍ରିଲୋଚନ ସାହୁ , ଅବସରପ୍ରାପ୍ତ ପ୍ରଧାନ ଶିକ୍ଷକ ଗୌରୀଶଙ୍କର ମିଶ୍ର ଓ ଶିକ୍ଷକ ରମେଶ ଚନ୍ଦ୍ର ଆଲଟିଆ ଯୋଗ ଦେଇ ଛାତ୍ରଛାତ୍ରୀଙ୍କୁ ମାର୍ଗ ଦର୍ଶନ କରିଥିଲେ । “ପ୍ରଥମ ଦିନ” ଉତ୍ସବ ଅବସରରେ ହୋମ କାର୍ଯ୍ୟ ପୂର୍ବକ ନୂତନ ଶିକ୍ଷା ବର୍ଷର କାର୍ଯ୍ଯାରମ୍ଭ ହୋଇଥିଲା । ଏ ଅବସରରେ ଶିଶୁ ବାଟିକା ପକ୍ଷରୁ ଶିଶୁ ଭାଇ ଓ ଭଉଣୀ ମାନଙ୍କୁ ନେଇ ବିଭିନ୍ନ ଆନନ୍ଦମୟ କ୍ରୀଡା ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମକୁ ପ୍ରଧାନାଚାର୍ଯ୍ଯ ରବିନ୍ଦ୍ର କୁମାର ଦାଶ ପରିଚାଳନା କରିଥିବା ବେଳେ ପରିଶେଷରେ ଗୁରୁମା ହରପ୍ରିୟା ମିଶ୍ର ଧନ୍ୟବାଦ ଅର୍ପଣ କରିଥିଲେ ।