ନେଟଙ୍ଗା ଆଦର୍ଶ ଗୁରୁକୁଳ ଶିକ୍ଷା ନିକେତନର ମାତୃ ସମ୍ମିଳନୀ
ଡିସେମ୍ବର, 26,12,2024, ନେଟଙ୍ଗା ସଦାଶିବ ବିହାର ସ୍ଥିତ ଆଦର୍ଶ ଗୁରୁକୁଳ ଶିକ୍ଷା ନିକେତନର ପଞ୍ଚମ ମାତୃ ସମ୍ମିଳନୀ ବୈଠକ ଅତି ସୁନ୍ଦର ଭାବେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନ ର ସ଼ହ-ସମ୍ପାଦିକା ପୁଷ୍ପାଞ୍ଜଳି ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ବିଶିଷ୍ଟ କୃଷି ବିଶାରଦ ତଥା ସୁବକ୍ତା ରାଜେନ୍ଦ୍ର ପ୍ରସାଦ ଦାସ ମୁଖ୍ୟ ଅତିଥି ଭାବେ ଯୋଗଦେଇ ସମାଜ ତଥା ସନ୍ତାନ ମାନଙ୍କର ଗଠନ ଦିଗରେ ଥିବା ଆବଶ୍ୟକତା ଉପରେ ମାଆ ମାନଙ୍କୁ ବୁଝାଇଥିବା ବେଳେ ବିଶିଷ୍ଟ ଶିକ୍ଷାବିତ୍ ତଥା ସଂସ୍କୃତ ଗବେଷକ ବିଷ୍ଣପ୍ରସାଦ ପଣ୍ଡା ମୁଖ୍ୟ ବକ୍ତା ଭାବେ ଏବଂ ଗୋବରା ଉପେନ୍ଦ୍ର ଭଞ୍ଜ ସାହିତ୍ୟ ପରିଷଦର ସଭାପତି ଗୋପାଳ ଚନ୍ଦ୍ର ଲେଙ୍କା ସମ୍ମାନିତ ଅତିଥି ଭାବେ ଯୋଗଦେଇ ମାତୃଶକ୍ତି ତଥା ମାଆ ମାନଙ୍କର ଦାୟିତ୍ବ ଉପରେ ଗଭୀର ଭାବେ ଆଲୋକପାତ କରିଥିଲେ । ଶିକ୍ଷା ନିକେତନର ସଭାପତି ଗୋବିନ୍ଦ ଚନ୍ଦ୍ର ଲେଙ୍କା ଅନୁଷ୍ଠାନ ବିଷୟରେ ତଥା ମାଆମାନଙ୍କର ସାହାଯ୍ୟ, ସହଯୋଗ ଉପରେ ସୂଚନା ଦେଇଥିଲେ ଏବଂ ସମ୍ପାଦକ ତାରେଶ୍ବର ପାତ୍ର ଅନୁଷ୍ଠାନର ବିବରଣୀ ପ୍ରଦାନ କରିଥିଲେ । ଉକ୍ତ କାର୍ଯ୍ୟକ୍ରମରେ ଶିକ୍ଷା ନିକେତନର ସମସ୍ତ କର୍ମକର୍ତ୍ତା , ଗୁରୁମା ଓ କର୍ମଚାରିବୃନ୍ଦ ପୂର୍ଣ୍ଣ ସହଯୋଗ କରିଥିଲେ । ପ୍ରଧାନ ଆଚାର୍ଯ୍ୟା ଗାୟତ୍ରୀ ଗୌଡ ପ୍ରଥମେ ଅତିଥି ସ୍ଵାଗତ ଓ ପରିଚୟ ପ୍ରଦାନ କରିଥିବା ବେଳେ ଶେଷରେ ସ଼ହ-ସମ୍ପାଦିକା ପୁଷ୍ପାଞ୍ଜଳି ବେହେରା ଧନ୍ୟବାଦ ଅର୍ପଣ କରିଥିଲେ ।
ଵେଲଗୁଣ୍ଟା, ରିପୋର୍ଟ ପଞ୍ଚାନନ, ସାହୁ
