ପାରଳାଖେମୁଣ୍ଡି ସ୍ଥିତ ରାମ ନଗର ବସ୍ତି ଅଞ୍ଚଳରେ ସହରାଞ୍ଚଳ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ଉଦଘାଟିତ

ପାରଳାଖେମୁଣ୍ଡି:୨୮/୩(ଗରୁଡ଼ ଧ୍ଵଜ ଚୌଧୁରୀ) ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ସ୍ଥିତ ରାମନଗର ବସ୍ତି ଅଞ୍ଚଳରେ ସହରାଞ୍ଚଳ ସ୍ୱାସ୍ଥ୍ୟ ମିଶନ ଅନ୍ତର୍ଗତରେ ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ଉଦଘାଟିତ ହୋଇ ଯାଇଛି ।ଜିଲ୍ଲାପାଳ ଶ୍ରୀ ଲିଙ୍ଗରାଜ ପଣ୍ଡା ଏବଂ ପୌର ଅଧ୍ୟକ୍ଷା ଶ୍ରୀମତୀ ନିର୍ମଳା ସେଠୀ ମିଳିତ ଭାବେ ଏହି ସ୍ୱାସ୍ଥ୍ୟ-କେନ୍ଦ୍ରକୁ ଉଦଘାଟନ କରିଥିଲେ । ଉଦଘାଟନ ପରେ ଜିଲ୍ଲାପାଳ ଶ୍ରୀ ପଣ୍ଡା ଓ ପୌର ଅଧ୍ୟକ୍ଷା ଶ୍ରୀମତୀ ସେଠୀ ସ୍ୱାସ୍ଥ୍ୟ କେନ୍ଦ୍ରର ସମସ୍ତ ବ୍ୟବସ୍ଥା ବୁଲି ଦେଖି ସ୍ୱାସ୍ଥ୍ୟ ବିଭାଗ ଅଧିକାରୀ ମାନଙ୍କ ସମେତ ବିଭିନ୍ନ ବ୍ୟବସ୍ଥା ଉପରେ ପଚାରି ବୁଝିଥିଲେ ।ଏହି ଅବସରରେ ଜିଲ୍ଲାପାଳ ଶ୍ରୀ ପଣ୍ଡା କହିଥିଲେ ଯେ , ଏହି ସ୍ୱାସ୍ଥ୍ୟ-କେନ୍ଦ୍ର ପିପିପି: ମୋଡରେ କାର୍ଯ୍ୟକାରୀ ହେବ । ପ୍ରାରମ୍ଭିକ ପର୍ଯ୍ୟାୟରେ ଏହି ସ୍ୱାସ୍ଥ୍ୟ-କେନ୍ଦ୍ର ପାଇଁ ଜଣେ ଡାକ୍ତରଙ୍କ ସହିତ ଜଣେ ଲେଖାଏଁ ଷ୍ଟାଫ-ନର୍ସ ଓ ଫାର୍ମାସିଷ୍ଟ ଡେପୁଟେସନରେ ଅବସ୍ଥାପିତ କରାଯାଇଛି।ଏଅଞ୍ଚଳବାସୀ’ଙ୍କ ପାଇଁ ଦୀର୍ଘବର୍ଷ ଧରି ଏକ ସ୍ୱାସ୍ଥ୍ୟକେନ୍ଦ୍ରର ଆବଶ୍ୟକତା ଥିଲା ।ଏଠାରେ ଏ ସ୍ୱାସ୍ଥ୍ୟ-କେନ୍ଦ୍ର ହେବା ଦ୍ବାରା ରାମନଗର ଓ ବେତାଗୁଡ଼ା ସମେତ ପାଖାପାଖି ଅଞ୍ଚଳ\’ର ପ୍ରାୟ ୧୫ ହଜାର ଅଞ୍ଚଳବାସୀ ସ୍ୱାସ୍ଥ୍ୟ ସେବା ପାଇବା କ୍ଷେତ୍ରରେ ବିଶେଷ ଉପକୃତ ହୋପାରିବେ ଅନ୍ୟପକ୍ଷରେ ପାରଳା ପୌର ପରିଷଦର ଫ୍ରିଞ୍ଚ ଅଞ୍ଚଳରେ ଅଧିକାଂଶରେ ଯେଉଁ ଗରିବ ଶ୍ରେଣୀର ଲୋକେ ରହୁଛନ୍ତି , ସେମାନଙ୍କୁ ପାଖ ଅଞ୍ଚଳରେ ତୁରନ୍ତ ଡାକ୍ତରୀ ସ୍ୱାସ୍ଥ୍ୟ-ସେବା ଯୋଗାଇ ଦେବା ଏହାର ମୂଳ ଲକ୍ଷ୍ୟ ରହିଛି ।ଏହି ସ୍ୱାସ୍ଥ୍ୟ-କେନ୍ଦ୍ର ଦ୍ବାରା ବହୁ ଲୋକ ଉତ୍ତମ ସ୍ୱାସ୍ଥ୍ୟ ସେବା ପାଇ ପାରିବେ ବୋଲି ଏହାର ଭବିଷ୍ୟତ କାମନା କରିଥିଲେ ଜିଲ୍ଲାପାଳ ଶ୍ରୀ ଲିଙ୍ଗରାଜ ପଣ୍ଡା

ଅନ୍ୟମାନଙ୍କ ମଧ୍ୟରେ ଏହି ଉଦଘାଟନୀ କାର୍ଯ୍ୟକ୍ରମରେ ସିଡିଏମଓ: ଡ଼ାଃ ପ୍ରଦୀପ କୁମାର ପାତ୍ର , ଡିପିଏଚଓ: ଡ଼ାଃ ମୁବାରକ ଅଲ୍ଲୀ , ଯକ୍ଷ୍ମା ରୋଗ ଡ଼ାଃ ରବି ନାରାୟଣ ଦାସ , ଡ଼ାଃ ଇନ୍ଦିରା ମହାପାତ୍ର , ଡିପିଏମ: ସୌମ୍ୟାରାଣୀ ଗୌଡ଼ , ଏପିଏମ: ଶୁଭଲକ୍ଷ୍ମୀ ସାହୁ , ପୌର ଉପାଧ୍ୟକ୍ଷ ଶ୍ରୀ ଲେଙ୍କା ମଧୁ , ପୌର ଯନ୍ତ୍ରୀ ଶ୍ରୀ ସୁନିଲ ଚମ୍ପତ୍ତି ,କନିଷ୍ଠ ଯନ୍ତ୍ରୀ ଶ୍ରୀ ଏମ: ଯୁଧିଷ୍ଠିର , ସ୍ୱାସ୍ଥ୍ୟ-କେନ୍ଦ୍ରର ଡାକ୍ତର ଜେ: ପୂର୍ଣ୍ଣିମା , ଷ୍ଟାଫ-ନର୍ସ କୁମକୁମ ବାଳା ଚିଞ୍ଚାଣୀ , ଫାର୍ମାସିଷ୍ଟ ଶ୍ରୀ ରାକେଶ ଗୌଡ଼ , ସ୍ୱାସ୍ଥ୍ୟ ବିଭାଗ ସୁପରଭାଇଜର ଶ୍ରୀ ଜିଆରକେ: ନାଇଡୁଙ୍କ ସମେତ ବିଭିନ୍ନ ୱାଡ଼ର୍ କାଉନସିଲର , ସ୍ୱାସ୍ଥ୍ୟ ବିଭାଗ କର୍ମଚାରୀ , ଆଶା ଓ ଅଙ୍ଗନବାଡ଼ି କର୍ମୀ ଏବଂ ଅଞ୍ଚଳବାସୀ ପ୍ରମୁଖ ଉପସ୍ଥିତ ଥିଲେ ।