ଗଞ୍ଜାମ ବିଜ୍ଞାପିତ ଆଞ୍ଚଳ ରେ ଘରବାରି ପଟା ବଣ୍ଟନ

ଗଞ୍ଜାମ :ପ୍ରଦୀପ କୁମାର ପଣ୍ଡା

ଗଞ୍ଜାମ ଏନଏସି ଅଞ୍ଚଳରେ ଦୀର୍ଘ ଦିନ ଧରି ଘର କରି ବସବାସ କରୁଥିବା ଅଧିକାଂଶ ଲୋକଙ୍କ

ଘରବାରି ପଟା ପାଇ ନାହାନ୍ତି l ଫଳରେ ବିଭିନ୍ନ କ୍ଷେତ୍ରରେ ଅଂଚଳବାସୀ ସମସ୍ୟା ର ସମ୍ମୁଖୀନ ହେଉଥିବା ଅଭିଯୋଗ ହୋଇଆସୁଥିଲା l ସ୍ଥାନୀୟ ତହସିଲଦାର ଙ୍କ ଉଦ୍ୟମ ଯୋଗୁଁ ଲୋକଙ୍କୁ ଘରବାରି ପଟା ପ୍ରଦାନ କରାଯାଉଥିବା ପରିଲକ୍ଷିତ ହେଉଛି l ଗଞ୍ଜାମ ଏନଏସି ଅନ୍ତର୍ଗତ ଦାମୋଦରପୁର ଗ୍ରାମରେ ଗୁରୁବାର ତହସିଲଦାର ଅରୁଣ କୁମାର ନାୟକ ଙ୍କ ନିର୍ଦେଶକ୍ରମେ ରାଜସ୍ୱ ରଥ ମାଧ୍ୟମରେ ଗ୍ରାମରେ ଘରବାରି ପଟା ପ୍ରଦାନ କରାଯାଇଛି l ସ୍ଥାନୀୟ ଆର ଆଇ ରବିନ୍ଦ୍ର କୁମାର ପ୍ରଧାନ, ଏ ଆରଆଇ ଶଙ୍କର ସାହୁ ସ୍ଥାନୀୟ କାଉନସିଲର ପି. ଚନ୍ଦ୍ରଶେଖର ଙ୍କ ଉପସ୍ଥିତିରେ ଗ୍ରାମରେ ଲୋକଙ୍କ ପାଖରେ ପହଞ୍ଚି ଘରବାରି ପଟା ବଣ୍ଟନ କରିଥିବା ଜଣାପଡ଼ିଛି l ପ୍ରକାଶ ଚନ୍ଦ୍ର ନାୟକ, ମୂଳି ବେହେରା, କୃଷ୍ଣଚନ୍ଦ୍ର ବେହେରା ଘରବାରି ପଟା ପାଇବା ପରେ ତହସିଲ ପ୍ରଶାସନ କୁ ଉଚ୍ଚ ପ୍ରଶଂସା କରିଛନ୍ତି l