ଶିଶୁ ଦିବସ ସମାରୋହ ଅବସରରେ ମେଧାବୀ ବିଦ୍ୟାର୍ଥୀମାନଙ୍କୁ ସମ୍ବର୍ଦ୍ଧିତ..
ବୋଲଗଡ, (ଉପାନ୍ତ ଖବର): ସଂପୁରସ୍ଥିତ ଚତୁର୍ଭୁଜ ସରକାରୀ ଉଚ୍ଚ ବିଦ୍ୟାଳୟର ମେଧାବୀ ବିଦ୍ୟାର୍ଥୀମାନଙ୍କୁ ସମ୍ମାନିତ କରିବା ପାଇଁ ଶିଶୁଦିବସ ପାଳନ ଅବସରରେ ଶିକ୍ଷକ ବିଭୂପ୍ରସାଦ ମହାପାତ୍ରଙ୍କ ତତ୍ତ୍ୱାବଧାନରେ ସମ୍ବର୍ଦ୍ଧନା ଉତ୍ସବର ଆୟୋଜନ କରଯାଇଥିଲା | ଉକ୍ତ ଉତ୍ସବରେ ପ୍ରଧାନ ଶିକ୍ଷକ ପ୍ରମୋଦ କୁମାର ସ୍ୱାଇଁ ପୌରୋହିତ୍ୟ କରିଥିଲେ | ପ୍ରାକ୍ତନ ବୋଲଗଡ ମଣ୍ଡଳ ସଂଯୋଜକ ପଦ୍ମଚରଣ ବେହେରା ମୁଖ୍ୟ ଅତିଥି, ଚନ୍ଦ୍ରଶେଖରପୁର ପ୍ରାଥମିକ ବିଦ୍ୟାଳୟର ପ୍ରାକ୍ତନ ଶିକ୍ଷକ ପଞ୍ଚୁ ଭାରିମଲ୍ଲ ମୁଖ୍ୟବକ୍ତା, ବିଦ୍ୟାଳୟ ପରିଚାଳନା ଅଧ୍ୟକ୍ଷା ବିନୋଦିନୀ ଦତ୍ତ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ । ଶିକ୍ଷକ ବିଶ୍ୱଜିତ ସରୋଜ କୁମାର ସ୍ୱାଗତ ଭାଷଣ ଏବଂ ପ୍ରଧାନ ଶିକ୍ଷକ ଶ୍ରୀ ସ୍ୱାଇଁ ଅତିଥି ପରିଚୟ ପ୍ରଦାନ କରିଥିଲେ । ଉପରୋକ୍ତ ଉଚ୍ଚ ବିଦ୍ୟାଳୟର ୨୦୨୪ ମେଟ୍ରିକ ପରୀକ୍ଷାରେ ୧ମ ସ୍ଥାନ ଅଧିକାର କରିଥିବା ଗଙ୍ଗାଧର ଭୋଇ ସମେତ ୨ୟ ଓ ୩ୟ ସ୍ଥାନ ଅଧିକାର କରିଥିବା ବିଦ୍ୟାର୍ଥୀ ମାନଙ୍କୁ ୨୦୦୮ମେଟ୍ରିକ ବ୍ୟାଚ ତରଫରୁ ୬୦୦୦ ଟଙ୍କା ଅର୍ଥରାଶି ପୁରସ୍କାର ସହ ପ୍ରମାଣପତ୍ର ପ୍ରଦାନ କରାଯାଇଥିଲା। ୨୦୨୩- ୨୪ ଶିକ୍ଷାବର୍ଷରେ ୧ମ ସ୍ଥାନ ହାସଲ କରିଥିବା ୧ମ ରୁ ୧୦ମ ଶ୍ରେଣୀର ବିଦ୍ୟାର୍ଥୀମାନଙ୍କୁ ଉଭୟ ବିଶିଷ୍ଟ କୃଷକ ନେତା ସନାତନ ନାୟକ ସ୍ମୃତି ପରିଷଦ , ସମ୍ପୁର ଓ ସ୍ମାର୍ଟ ସେବା ଏଜୁକେସନ ଆଣ୍ଡ ଚାରିଟେବୁଲ ଟ୍ରସ୍ଟ , ନାଚୁଣୀ ତରଫରୁ ଅଭିନନ୍ଦନିକା ଓ ଟ୍ରଫି ପ୍ରଦାନ କରାଯାଇଥିଲା । ଶିଶୁ ଦିବସ ଅବସରରେ ଶିକ୍ଷୟତ୍ରୀ ସ୍ଵର୍ଣ୍ଣଲତା ପ୍ରଧାନ ନମିତା ସାହୁ ବକ୍ତୃୃତା, ସ୍ମିତାସିନ୍ଧୁ ମହାପାତ୍ର ଓ ଦିପ୍ତୀରଂଜନ ଦାସ କଣ୍ଠସଂଗୀତ, ସୌଦାମିନୀ ସୁବୁଦ୍ଧି ଓ ଅଂଶୁମାନ ଧଳ ଏକକନୃତ୍ୟ,ଶୁଭଶ୍ରୀ ଧଳ ଓ ସୌଦାମିନୀ ପରିଡା ଦଳୀୟ ନୃତ୍ୟର ବିଚାରକ ରୂପେ ୧ମ , ୨ୟ ଓ ୩ୟ ପ୍ରତିଯୋଗୀ ଚୟନ କରିବା ପରେ ସେମାନଙ୍କୁ ମୁଖ୍ୟ ଅତିଥି ପ୍ରମାଣ ପତ୍ର ଓ ପୁରସ୍କାର ପ୍ରଦାନ କରିଥିଲେ । ଶୈବାଳିକା ମଲ୍ଲିକ ଧନ୍ୟବାଦ ଅର୍ପଣ କରିଥିଲେ ଓ ସ୍ନେହଲତା ପାଇକରାୟ, ସମ୍ବିତ୍ କେଦାର କର ଓ ଶିବ ପ୍ରଧାନ ସହଯୋଗ କରିଥିଲେ |
ରିପୋର୍ଟ-ସୁଶାନ୍ତ କୁମାର ପ୍ରଧାନ।
