ସୁଭଦ୍ରା ଯୋଜନା ଫର୍ମ ବଣ୍ଟନ କାର୍ଯ୍ୟାରମ୍ଭ 

  ବୁଗୁଡା : ତା ୦୧/୦୯/୨୪ : ବୁଗୁଡା ଏନ୍ଏସି ଅନ୍ତର୍ଗତ ୧୩ଟି ଓ୍ବାର୍ଡରେ ଅଙ୍ଗନଓ୍ବାଡି କର୍ମୀଙ୍କ ଦ୍ୱାରା ସୁଭଦ୍ରା ଯୋଜନାର ଫର୍ମ ବଣ୍ଟନ କାର୍ଯ୍ୟାରମ୍ଭ ହୋଇଯାଇଛି । ଅଙ୍ଗନଓ୍ବାଡି କର୍ମୀମାନେ ଏନ୍ଏସି କାର୍ଯାଳୟରୁ ଆବେଦନ ଫର୍ମଗୁଡିକୁ ନେଇ ଯୋଗ୍ଯା ହିତାଧିକାରୀଙ୍କୁ ବଣ୍ଟନ କରିଥିବା ବେଳେ ଆସନ୍ତାକାଲି ଠାରୁ ନିଜ ନିଜ ଅଙ୍ଗନଓ୍ବାଡି କେନ୍ଦ୍ରରେ ସେହି ଫର୍ମ ବଣ୍ଟନ କରିବେ ଏବଂ ଫର୍ମ ପୂରଣ ପରେ ପୁଣି ସଂଗ୍ରହ କରି ଏନ୍ଏସି କାର୍ଯାଳୟରେ ପଇଠ କରିବେ । ଅନ୍ୟପକ୍ଷରେ ସୁଭଦ୍ରା ଯୋଜନାର ଫର୍ମ ବଣ୍ଟନ ଓ ସଂଗ୍ରହ ନିମନ୍ତେ ପ୍ରତ୍ଯେକ ଓ୍ବାର୍ଡ ପାଇଁ ଜଣେ ଲେଖାଏଁ ଏନ୍ଏସି କର୍ମଚାରୀ ମଧ୍ୟ ନିୟୋଜିତ ରହିଛନ୍ତି । ଫର୍ମ ଗୁଡିକ ସଂଗ୍ରହ ପରେ ସେଗୁଡିକୁ ଯାଞ୍ଚ କରାଯାଇ କମ୍ପୁଟରରେ ଅପଲୋଡ଼୍ କରାଯିବାର ବ୍ୟବସ୍ଥା ରହିଥିବା ବେଳେ ଏନ୍ଏସି ସିଓ ପ୍ରତିମା କୁମାରୀ ସାହୁ ଏହି ଯୋଜନା ଦାୟିତ୍ବରେ ରହିଥିବା ଜଣାଯାଇଛି ।