+୩ ଛାତ୍ରୀଙ୍କ ଆତ୍ମ ସୁରକ୍ଷା ତାଲିମ୍ ଶିବିର ଉଦଘାଟିତ
ବୁଗୁଡା : ତା ୧୩/୦୮/୨୪ : ସ୍ଥାନୀୟ ପିପୁଲ୍ସ ଡିଗ୍ରୀ କଲେଜ ପକ୍ଷରୁ ସ୍ବପରିସରରେ ଆୟୋଜିତ ଆତ୍ମ ସୁରକ୍ଷା ତାଲିମ୍ ଶିବିର ଉଦଘାଟିତ ହୋଇଯାଇଛି । ଉକ୍ତ ବିଂଶଦିବସୀୟ ଶିବିରକୁ କଲେଜ ଅଧ୍ୟକ୍ଷ ହରିକୃଷ୍ଣ ନାୟକ ଉଦଘାଟନ କରିଥିବା ବେଳେ ଏଥିରେ ଅତିଥି ଭାବେ ଆଇକ୍ୟୁଏସି ସଂଯୋଜକ ଅକ୍ଷୟ କୁମାର ସାହୁ , କ୍ରୀଡା ସଂସଦ ଉପସଭାପତି ସୁଶାନ୍ତ କୁମାର ସାହୁ , କ୍ରୀଡା ଶିକ୍ଷକ କ୍ରିଷ୍ଣାରାଓ ପାତ୍ର ଓ ଶ୍ରୀନିବାସ ଦୋରା ପ୍ରମୁଖ ଯୋଗ ଦେଇ ମହିଳାଙ୍କ ନିମନ୍ତେ ଆତ୍ମ ସୁରକ୍ଷା ତାଲିମ୍ ଗ୍ରହଣର ଆବଶ୍ୟକତା ଏବଂ ଏହାର ଉପାଦେୟତା ସମ୍ପର୍କରେ ଆଲୋକପାତ କରିଥିଲେ । ଏହି ଶିବିରରେ ମାଷ୍ଟର ଟ୍ରେନର ଭାବେ ସସ୍ମିତା ଜେନା ଓ ପୂଜାରାଣୀ ସ୍ବାଇଁ ଯୋଗ ଦେଇ +୩ର ଶତାଧିକ ଛାତ୍ରୀଙ୍କୁ ତାଲିମ୍ ପ୍ରଦାନ କରିଥିଲେ । ପରିଶେଷରେ ଆତ୍ମ ସୁରକ୍ଷା ତାଲିମ୍ ଶିବିର ସଂଯୋଜିକା ଅଧ୍ଯାପିକା ସୁଶ୍ରୀ ଅନୀତା ଦେବୀ ଧନ୍ୟବାଦ ଅର୍ପଣ କରିଥିଲେ ।
