ମୋହନାରେ ଅବସର ପ୍ରାପ୍ତ କର୍ମଚାରୀଙ୍କ ଦ୍ୱିତୀୟ ବାର୍ଷିକ ଉତ୍ସବ ଅନୁଷ୍ଠିତ ….

                                                                                                                                                                                 ଗଜପତି ଜିଲ୍ଲା ମୋହନା ବିଜୁ କଲ୍ୟାଣ ମଣ୍ଡପ ଠାରେ ଅବସର ପ୍ରାପ୍ତ କର୍ମଚାରୀ ସଂଘର ଆଜି ଦ୍ୱିତୀୟ ବାର୍ଷିକ ଉତ୍ସବ ଅନୁଷ୍ଠିତ ହୋଇଥିଲା। ଏହି ଉତ୍ସବରେ ମୋହନା ବ୍ଲକ ଅଞ୍ଚଳରେ ଥିବା ଶତାଧିକ ଅବସର ପ୍ରାପ୍ତ କର୍ମଚାରୀ ଉପସ୍ଥିତ ରହି ଉତ୍ସବକୁ ଆଡମ୍ବର ସହ ପାଳନ କରିଥିଲେ। ଏହି ବାର୍ଷିକ ଉତ୍ସବରେ ସ୍ଥାନୀୟ ତହସିଲଦାର ହରିଶ୍ଚନ୍ଦ୍ର ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଏହା ସହ ମୁଖ୍ୟବକ୍ତା ରୂପେ ସ୍ଥାନୀୟ ଗୋଷ୍ଟି ଶିକ୍ଷା ଅଧିକାରୀ ନରେନ୍ଦ୍ର କୁମାର ବେହେରା ଯୋଗ ଦେଇ ଅବସର ପ୍ରାପ୍ତ କର୍ମଚାରୀଙ୍କ ଠାରୁ ବହୁତ କିଛି ଶିଖିବାର ଥିବା ବେଳେ ସମୟ କ୍ରମେ ବହୁତ କିଛି ଶିଖିବାର ଅଛି ବୋଲି ପ୍ରକାଶ କରିଥିଲେ। ଏହି କାର୍ଯ୍ୟକ୍ରମରେ ସ୍ଥାନୀୟ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରର ଡକ୍ଟର ବେହେରା ସମ୍ମାନିତ ଅତିଥି ଭାବେ ଯୋଗଦେଇ ଥିଲେ। ସଂଘର ସଭାପତି ଶରତ ଚନ୍ଦ୍ର ମଲ୍ଲିକ ଉତ୍ସବରେ ସଭାପତିତ୍ବ କରିଥିବା ବେଳେ ଅତିଥି ଭାବେ ନରହରି ପାଣିଗ୍ରାହି, ତ୍ରିନାଥ ବିଶୋଇରତ୍ନ, ପ୍ରଶାନ୍ତ ବୀର, ରମେଶ ଚନ୍ଦ୍ର ମହାପାତ୍ର, ହରିଶ୍ଚନ୍ଦ୍ର ମଲ୍ଲିକ ଙ୍କ ସମେତ ଶତାଧିକ ଅବସର ପ୍ରାପ୍ତ କର୍ମଚାରୀ ଉପସ୍ଥିତ ରହି ଆଡମ୍ବର ସହ ଦ୍ୱିତୀୟ ବାର୍ଷିକ ଉତ୍ସବ ପାଳନ କରିଥିଲେ।