ଭୁଷୁଡି ପଡୁଛି ତୃଣମୂଳ ଶାସନ ବ୍ୟବସ୍ଥା ସରପଞ୍ଚମାନଙ୍କୁ ଅଣଦେଖା ଗଣତନ୍ତ୍ର ପ୍ରତି ବିପଦ-ସରପଞ୍ଚ ସଂଗଠନ…
ବ୍ରହ୍କପୁର, ବାରମ୍ୱାର ସରପଞ୍ଚ ମାନଙ୍କୁ ଅଣଦେଖା କରିବା ଭାରି ପଡିବ ସରକାରଙ୍କୁ । ଶାସନ ବ୍ୟବସ୍ଥାରେ ସରପଞ୍ଚ ଓ ତ୍ରିସ୍ତରୀୟ ପଞ୍ଚାୟତ ପ୍ରତିନିଧି ମାନଙ୍କ ଗୁରୁତ୍ଵ ପୂର୍ଣ୍ଣ ଭୂିମିକା ରହୁଥିବା ବେଳେ ସରକାରୀ ସ୍ତରରେ ସେମାନଙ୍କ ପ୍ରତି ଅଣଦେଖା କରିବା ଗଣତନ୍ତ୍ର ପ୍ରତି ବିପଦ ବୋଲି ରାଷ୍ଟ୍ରିୟ ଗ୍ରାମପ୍ରଧାନ/ସରପଞ୍ଚ ସଂଗଠନ ଓଡିଶା ରାଜ୍ୟ ଶାଖା ପକ୍ଷରୁ ଚେତାଇ ଦିଆଯାଇଛି । ସଂଗଠନର ରାଜ୍ୟ ସଭାପତି ରବି ରଥ ଓ ଓଡିଶା ଶାଖା ସଂଗଠନ ସଂପାଦକ ଡା.ରାଜାରାମ ଷଡଙ୍ଗୀ ମିଳିତ ଭାବେ ଏକ ପ୍ରେସ ବିବୃତି ଜାରି କରି କହିଛନ୍ତିଯେ ପଞ୍ଚାୟତର ବିକାଶରେ ବାରମ୍ବାର ପ୍ରଶାସନିକ ହସ୍ତକ୍ଷେପ ଓ ବିଭାଗୀୟ କାର୍ଯ୍ୟ ନାମରେ ଯେଉଁ ଭଳି ବିକାଶ ଅର୍ଥ ହରିଲୁଟ୍ ଚାଲିଛି ତାହା କେବଳ ସ୍ଵଚ୍ଛତା ପ୍ରତି କେବଳ ପ୍ରଶ୍ନ ଦାଗ ନୁହେଁ ବରଂ ଆମ ଓଡିଶା ନବୀନ ଓଡିଶା ଭଳି ବିଭିନ୍ନ ଉନ୍ନୟନ କାର୍ଯ୍ୟକ୍ରମରୁ ନିର୍ବାଚିତ ପ୍ରତିନିଧି ମାନଙ୍କୁ ଦୂରେଇ ରଖିବା ସହିତ ବୋଲକରା ଭାବରେ ପ୍ରଶାସନିକ କଳ ବ୍ୟବହାର କରୁଛନ୍ତି ତାହାକୁ ନେଇ ନିର୍ବାଚିତ ସରପଞ୍ଚ୍ ମାନଙ୍କ ମଧ୍ୟରେ ଅସନ୍ତୋଷର ବହ୍ନି ପ୍ରଖରତର ହେବାକୁ ଲାଗିଲାଣି । ଯାହାର ନଗ୍ନ ନମୁନା କେନ୍ଦୁଝର ଜିଲ୍ଲା ତେଲକୋଇ ବ୍ଲକ୍ରେ ଦେଖାଦେଇଛି। ଉନ୍ନୟନ ମୂଳକ କାର୍ଯରେ ସରପଞ୍ଚ୍ ମାନଙ୍କୁ ସାମିଲ ନକରିବା ଏବଂ ପ୍ରଶାସନିକସ୍ତର ରେ ସମ୍ପୁର୍ଣ୍ଣ ଉପେକ୍ଷା ପ୍ରତିବାଦରେ କେନ୍ଦୁଝର ଜିଲ୍ଲା ତେଲକୋଇ ବ୍ଲକ୍ର 22 ପଞ୍ଚାୟତରୁ 19 ସରପଞ୍ଚ୍ ଏକାଠି ହୋଇ ତେଲକୋଇ ବିଡିଓଙ୍କୁ ସେମାନଙ୍କ ସାମୁହିକ ଇସ୍ତଫା ପ୍ରଦାନ କରିଛନ୍ତି । ପୁନଶ୍ଚ ସମ୍ୱଲପୁର ଜିଲ୍ଲା ବାମରା ବ୍ଲକ୍ରେ ମଧ୍ୟ ସମାନ ଅଭିଯୋଗ ଆଣି ବ୍ଲକର ସମସ୍ତ ସରପଞ୍ଚ ଜଗନ୍ନାଥ ପରିକ୍ରମାରୁ ନିଜକୁ ଦୂରେଇ ରଖିବା ଭଳି ନିଷ୍ପତ୍ତି ନେଇ ସରପଞ୍ଚମାନଙ୍କୁ ଅଣଦେଖା କରିବା ନେଇ ଆଗକୁ କଠୋର ପଦକ୍ଷେପ ଗ୍ରହଣ କରିବେ ବୋଲି ଚେତାବନି ଶୁଣାଇଛନ୍ତି । ରାଜ୍ୟର ବିଭିନ୍ନ ସ୍ଥାନରେ ସରପଞ୍ଚ୍ ମାନଙ୍କ ଅସନ୍ତୋଷ ବଢୁଥିବା ବେଳେ ସରକାର ମଧ୍ୟ ନିଜ ଜିଦରେ ଅଟଳ ରହିଛି । ରାଜ୍ୟ ସରପଞ୍ଚ ସଂଘ 15 ଦଫା ଦାବି ନେଇ ରାଜରାସ୍ତାରୁ ବିଧାନସଭା ଯାଏ ରଣହୁଙ୍କାର କରିଥିଲେବି ଡିସେମ୍ବର 30 ତାରିଖ ସୁଦ୍ଧା ଦାବିର ବିଚାର ନେଇ ସରକାର ଯେଉଁ ପ୍ରତିଶୃତି ଦେଇଥିଲେ ତାହା ପାଳନ କଲେନି । ଫଳରେ ରାଜ୍ୟର ସଂଖ୍ୟାଧିକ ସରପଞ୍ଚମାନଙ୍କ ମଧ୍ୟରେ ପୁଞ୍ଜିଭୂତ କୋହ ରହିଛି । ଏହାକୁ କେହି ଅଟକାଇ ପାରିବେ ନାହିଁ । ଏପରିକି ତ୍ରିସ୍ତରୀୟ ପଞ୍ଚାୟତ ନିର୍ବାଚିତ ପ୍ରତିନିଧି ମାନଙ୍କୁ ସରକାରୀ ଅଙ୍କୁଶ ପରି ବିଧାୟକ ମନ୍ତ୍ରୀଙ୍କ ମଧ୍ୟ ସମଦଶା ଓ ଏକ ମାତ୍ର 5ଟି ସବୁରି ମୂଳ ପ୍ରତିବନ୍ଧକ ବୋଲି କେବଳ ସରପଞ୍ଚ୍ ନୁହେଁ ବରଂ ସର୍ବସାଧାରଣରେ ଏଭଳି ଚର୍ଚା ଆରମ୍ଭ ହୋଇଯାଇଛି । ଏଭଳି ଚର୍ଚା ଗନତନ୍ତ୍ର ପ୍ରତି ଖୁବ ବିପଦ । ସରକାର ଉପରକୁ ଯାହା ଭାବୁଛନ୍ତି ତାହା ଭିତରୁ ନୁହେଁ । ସରପଞ୍ଚ୍ ମାନଙ୍କ ମଧ୍ୟରେ ରହିଥିବା ପୁଞ୍ଜିଭୁତ କୋହକୁ ସରକାର ହାଲୁକା ଭାବେ ଗ୍ରହଣ କରି ସରପଞ୍ଚ୍ମାନଙ୍କୁ ଅଣଦେଖା କଲେ ସରକାର ନିଜ ପ୍ରତି ବିପଦ ଟାଣି ଆଣିବା ସମାନ ହୋଇଥିବାରୁ ସରକାର ସରପଞ୍ଚମାନଙ୍କ ଦାବି ପ୍ରତି ଅବିଲମ୍ଭେ ପଦକ୍ଷେପ ଗ୍ରହଣ କରିବେ ବୋଲି ସଂଗଠନର ରାଜ୍ୟ ସଭାପତି ରବି ରଥ ଓ ସଂଗଠନ ସଂପାଦକ ଡା.ଷଡଙ୍ଗୀ ଆଶା ପୋଷଣ କରିଛନ୍ତି।
(ରବି ରଥ)
ସଭାପତି, ରାଷ୍ଟ୍ରୀୟ ପଞ୍ଚାୟତିରାଜ ଗ୍ରାମ ପ୍ରଧାନ
/ସରପଞ୍ଚ ସଂଗଠନ ଓଡ଼ିଶା ରାଜ୍ୟ ଶାଖା
