ସେଣ୍ଟ୍ ଜାଭିୟର୍ସ ହାଇସ୍କୁଲ ପକ୍ଷରୁ ମେରା ଦେଶ ମେରି ମିଟି କାର୍ଯ୍ୟକ୍ରମ ଅନୁଷ୍ଠିତ।
ସେଣ୍ଟ୍ ଜାଭିୟର୍ସ ହାଇସ୍କୁଲ ପକ୍ଷରୁ ମେରା ଦେଶ ମେରି ମିଟି କାର୍ଯ୍ୟକ୍ରମ ଅନୁଷ୍ଠିତ।
କୋରାପୁଟ ଜିଲ୍ଲା ଜୟପୁର ହାତୀଶାଳ ସେଣ୍ଟ୍ ଜାଭିୟର୍ସ ହାଇସ୍କୁଲ ପକ୍ଷରୁ ମେରା ଦେଶ ମେରି ମିଟି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଆଜାଦି କା ଅମୃତ ମହୋତ୍ସବ ଉଦ୍ଧେଶ୍ୟରେ ଆଜି ଗୁରୁବାର ଦିନ ସକାଳ ୮:୦୦ ଘଣ୍ଟା ସମୟରେ କାର୍ଯ୍ୟକ୍ରମର ଆୟୋଜିତ ହୋଇଥିଲା । ଏହି କାର୍ଯ୍ୟକ୍ରମରେ ସେଣ୍ଟ୍ ଜାଭିୟର୍ସ ହାଇସ୍କୁଲର ଶିକ୍ଷକ ଓ ଶିକ୍ଷୟିତ୍ରୀଙ୍କ ସହ ଏନ୍ ସି ସି,ସ୍କାଉଟ୍ ଏବଂ ରେଡ଼କ୍ରସ୍ ର ୫୦ ରୁ ଉର୍ଦ୍ଧ ଛାତ୍ରଛାତ୍ରୀ ଯୋଗଦେଇଥିଲେ। ଜୟପୁର ସ୍ଥାନୀୟ ପ୍ରିନ୍ସସେସ୍ ହୋଟେଲ୍ ନିକଟରେ ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ସହ ସ୍କୁଲ ର ଛାତ୍ର ଛାତ୍ରୀମାନେ ଏକତ୍ରିତ ହୋଇ ସେଠାରୁ ଏକ ପଦଯାତ୍ରା କରି ମୁଖ୍ୟ ଟ୍ରାଫିକ ପାର୍ଶ୍ଵ ଦେଇ ସହିଦ୍ ଲକ୍ଷ୍ମଣ ନାୟକ ଓ ସ୍ଵାଧୀନତା ସଂଗ୍ରାମୀଙ୍କ ପ୍ରତିମୂର୍ତ୍ତି ଠାରେ ପହଂଚିଥିଲେ। ସ୍ଵାଧୀନତା ସଂଗ୍ରାମୀ ମାନଙ୍କୁ ପୁଷ୍ପମାଲ୍ୟ ଅର୍ପଣ କରି ଆଜାଦିକା ଅମୃତ ମହୋତ୍ସବ ଉଦ୍ଧେଶ୍ୟରେ ସେମାନଙ୍କ ଦେଶ ପାଇଁ ଦେଇଥିବା ବଳିଦାନର ସ୍ମୃତିରେ ପ୍ରାର୍ଥନା କରି ନାରାବାଜି ଦେଇଥିଲେ। ଆୟୋଜିତ ଏହି କାର୍ଯ୍ୟକ୍ରମକୁ ହାଇସ୍କୁଲର ପ୍ରଧାନ ଶିକ୍ଷକ ବିଷ୍ଣୁ ପ୍ରସାଦ ମିଶ୍ର ପରିଚାଳନା କରିଥିଲେ । ଶିକ୍ଷୟିତ୍ରୀ ଅନିତା ମିଶ୍ର,ସୁକ୍ଳା ଦେବନାଥ, ତେଜଶ୍ଵିନୀ ସାହୁ, ସସ୍ମିତା ସାମନ୍ତ, ଏନ୍ ସି ସି ପ୍ରଶିକ୍ଷକ ବିକ୍ରମ ସାର୍ ଏବଂ ସୁରେଶ ସାର୍ କାର୍ଯ୍ୟକ୍ରମରେ ସହଯୋଗ କରିଥିବା ବେଳେ ହାଇସ୍କୁଲ ର ଛାତ୍ର ଛାତ୍ରୀମାନେ ଦେଶଭକ୍ତି ର ନାରା ଦେଇ ଦେଶବାସୀଙ୍କୁ ଏକତ୍ରିତ ହୋଇ ରହିବାର ସନ୍ଦେଶ ଦେଇଥିଲେ। କୋରାପୁଟ ଜ଼ିଲ୍ଲା ପ୍ରତିନିଧି ଶ୍ରୀ ହରିଶ କୁମାର ପଟ୍ଟନାୟକ ଙ୍କ ରିପୋର୍ଟ ଖବର ଉପାନ୍ତ ଓଡିଶା I
