କବି ସମ୍ରାଟ ଉପେନ୍ଦ୍ର ଭଞ୍ଜ ଗ୍ରନ୍ଥ ଉନ୍ମୋଚନ

ବୁଗୁଡ଼ା: ତା ୨୮/୦୧/୨୩ : ବୁଗୁଡ଼ା ଅଞ୍ଚଳର ଜଣାଶୁଣା ଜ୍ୟୋତିଷ ସୁଧାକର ତଥା ପ୍ରାକ୍ତନ ପ୍ରଧାନ ଶିକ୍ଷକ ଘନଶ୍ୟାମ ମିଶ୍ରଙ୍କ ଦ୍ୱାରା ରଚିତ କବି ସମ୍ରାଟ ଉପେନ୍ଦ୍ର ଭଞ୍ଜ ଗ୍ରନ୍ଥର ଉନ୍ମୋଚନ ଉତ୍ସବ ଅବସର ପ୍ରାପ୍ତ ପ୍ରଧାନ ଶିକ୍ଷକ ନନ୍ଦ କିଶୋର ମିଶ୍ରଙ୍କ ପୌରୋହିତ୍ୟରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଅତିଥି ଭାବେ ଗୌରୀପତି ଦାଶ, ଅନନ୍ତ କର, ଗୋକୁଳ ଚନ୍ଦ୍ର ସାହୁ ପ୍ରମୁଖ ଯୋଗଦେଇ ଗ୍ରନ୍ଥ ଉନ୍ମୋଚନ କରିବା ସହ ଭଞ୍ଜଙ୍କ କୃତି ଉପରେ ଆଲୋଚନା କରିଥିଲେ l ଶିକ୍ଷକ ଆଶୁତୋଷ ମିଶ୍ରଙ୍କ ପରିଚାଳନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଲୋକାଲ ଫଣ୍ଡ ଅଡିଟର ଲକ୍ଷ୍ମୀ ନାରାୟଣ ତ୍ରିପାଠୀ ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଗାଲେରୀ ହାଇସ୍କୁଲର ଶିକ୍ଷକ ସତ୍ୟନାରାୟଣ ଶତପଥି ଧନ୍ୟବାଦ ଅର୍ପଣ କରିଥିଲେ l