ପନିକିରେ ଆକ୍ରମଣ କରି ଯୁବକ ଗିରଫ

ବୁଗୁଡ଼ା : ତା ୦୯/୦୭/୨୩ : ଜେଲ ଫେରନ୍ତା ମଦ୍ୟପ ଯୁବକର ଉନ୍ମତ୍ତ କାଣ୍ଡ l ଵିଚ୍ ରାସ୍ତାରେ ଜଣେ ଯୁବକର ବେକ କାଟିଦେଲା ମଦ୍ୟପ l ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବୁଗୁଡ଼ା ସହରର ବୁଦ୍ଧଖୋଲ ରୋଡସାହିରେ l ପୋଲିସ ଉକ୍ତ ଯୁବକଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଥିବା ବେଳେ ଆହତ ଯୁବକ ସୁଶାନ୍ତ ରଥ ବ୍ରହ୍ମପୁର ମେଡିକାଲରେ ଚିକିତ୍ସାଧୀନ ଅଛନ୍ତି l ଗିରଫ ଯୁବକ ହେଲେ ହେଲେ ବୁଦ୍ଧଖୋଲ ରୋଡସାହିର ଦିଲ୍ଲୀପ ଦାଶ l ଗତ ୭ ତାରିଖ ରାତି ପ୍ରାୟ ସାଢେ ୯ଟା ସମୟରେ ଦିଲ୍ଲୀପ ମଦ୍ୟପାନ କରି ଘର ସାମ୍ନାରେ ଅଶ୍ରବ୍ୟ ଭାଷାରେ ଗାଳି ଗୁଲଜ କରୁଥିବା ବେଳେ ସୁଶାନ୍ତ ତାଙ୍କ ନିକଟକୁ ଯାଇ ଖାଲିଟାରେ କାହିଁକି ପାଟି ତୁଣ୍ଡ କରୁଛ ବୋଲି ବୁଝାଇଥିଲେ । ଏଥିରେ ଦିଲ୍ଲୀପ ଆହୁରି ଉତକ୍ଷିପ୍ତ ହୋଇ ଘରୁ ଏକ ପନିକି ଆଣି ସୁଶାନ୍ତଙ୍କୁ ଆକ୍ରମଣ କରିଥିଲା l ଆକ୍ରମଣରେ ସୁଶାନ୍ତଙ୍କ ଡାହାଣ ହାତ ଓ ବେକ ମୁଣ୍ଡାରେ ଗଭୀର ଆଘାତ ଲାଗିଥିଲା l ସୁଶାନ୍ତଙ୍କୁ ତୁରନ୍ତ ବୁଗୁଡ଼ା ମେଡିକାଲରେ ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ସ୍ଥାନାନ୍ତର କରାଯାଇଥିଲା l ଅଭିଯୋଗ କ୍ରମେ ପୋଲିସ ଏ ନେଇ କେସ୍ ନଂ ୪୯୦/୨୩ ରେ ଏକ ମାମଲା ରୁଜୁ କରି ଦିଲ୍ଲୀପକୁ ଗିରଫ କରିବା ସହ ଆଜି କୋର୍ଟ ଚାଲାଣ କରିଥିବା ଜଣା ପଡିଛି l ଦିଲ୍ଲୀପ ଏଥି ପୂର୍ବରୁ ସେହି ସାହିର ଜଣେ ଅଧ୍ୟାପକଙ୍କୁ ଛୁରୀରେ ଆକ୍ରମଣ କରିଥିବା ବେଳେ ଗତ ଜାନୁଆରୀ ୩ ତାରିଖରେ ଜଣେ ଅବସରପ୍ରାପ୍ତ ପୋଲିସ ଏଏସଆଇଙ୍କୁ ଛୁରୀରେ ଆକ୍ରମଣ କରି ଗିରଫ ହେବା ସହ କିଛି ଦିନ ତଳେ ଜେଲରୁ ବେଲରେ ଆସିଥିଲା l ଦିଲ୍ଲୀପ ବାରମ୍ବାର ଏଭଳି ଘଟଣା ଘଟାଉ ଥିବାରୁ ତାକୁ କଡା ଦଣ୍ଡ ଦେବା ପାଇଁ ସାହି ବାସିନ୍ଦା ଦାବୀ କରିଛନ୍ତି l