ଶିଶୁ ବାଟିକା ପକ୍ଷରୁ ମାତୃ କର୍ମଶାଳା
ଶିଶୁ ବାଟିକା ପକ୍ଷରୁ ମାତୃ କର୍ମଶାଳା
ବୁଗୁଡା : ତା ୩୦/୦୭/୨୩ : ସ୍ଥାନୀୟ ସରସ୍ବତୀ ଶିଶୁ ବିଦ୍ୟା ମନ୍ଦିର ସ୍ବପରିସରରେ ଶିଶୁ ବାଟିକା ପକ୍ଷରୁ ଆଜି ମାତୃ କର୍ମଶାଳା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଶିକ୍ଷାନୁଷ୍ଠାନର ପରିଚାଳନା ସମିତି ସଭାପତି ବ୍ରଜ କିଶୋର ପାଢ଼ୀଙ୍କ ପୌରହିତ୍ଯରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ଅତିଥି ଭାବେ ଶିକ୍ଷୟିତ୍ରୀ ରଶ୍ମିତା କୁମାରୀ ପାଢୀ, ପରିଚାଳନା ସମିତି ସଦସ୍ଯା ସନ୍ତୋଷିନୀ ପାତ୍ର ଓ ନମିତା କୁମାରୀ ବେହେରା ପ୍ରମୁଖ ଯୋଗ ଦେଇ ଉପସ୍ଥିତ ମାତୃଗଣଙ୍କୁ ମାର୍ଗ ଦର୍ଶନ କରିଥିଲେ । ଏ ଅବସରରେ ଶିଶୁମାନଙ୍କ ନିମନ୍ତେ ଛାୟା ନୃତ୍ଯ ପ୍ରଦର୍ଶିତ ଏବଂ ବୌଦ୍ଧିକ ଜ୍ଞାନ ପ୍ରଦାନ ସାଙ୍ଗକୁ ଶିଶୁମାନଙ୍କ ଦ୍ବାରା ନୃତ୍ଯ, ଗୀତ, ଶାରୀରିକ, ରଙ୍ଗତୂଳୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମକୁ ବାଟିକା ପ୍ରମୁଖ ଗୁରୁମା ମମତା କୁମାରୀ ସାହୁ ପରିଚାଳନା କରିଥିବା ବେଳେ ଏଥିରେ ଗୁରୁମା ପ୍ରତିମା ସାହୁ , ସୁଜାତା ମହାପାତ୍ର , ଅର୍ଚ୍ଚନାମୟୀ ପାତ୍ର , ପାପା ବିଷୋୟୀ ଓ ଟିକିନା ବେହେରା ପ୍ରମୁଖ ସକ୍ରିୟ ସହଯୋଗ କରିଥିଲେ । ଏହି କାର୍ଯ୍ୟକ୍ରମର ପ୍ରାରମ୍ଭରେ ପ୍ରଧାନାଚାର୍ଯ୍ଯ ଉତ୍ତମ କୁମାର ମହାରଣା ଅତିଥି ପରିଚୟ ସାଙ୍ଗକୁ ଆୟୋଜିତ କର୍ମଶାଳାର ଆଭିମୁଖ୍ୟ ଉପସ୍ଥାପନ କରିଥିବା ବେଳେ ପରିଶେଷରେ ସଂପାଦକ ରମେଶ ଚନ୍ଦ୍ର ଆଲଟିଆ ଧନ୍ୟବାଦ ଅର୍ପଣ କରିଥିଲେ ।
