ଗାଁ ମହୋତ୍ସବ ହରିକେଶର -୨୦୨୪ଉଦଯାପିତ…
ବୋଲଗଡ଼: ଖୋର୍ଦ୍ଧାଜିଲ୍ଲା ବୋଲଗଡ଼ ବ୍ଲକ ବଡ଼କୁମାରୀ ପଞ୍ଚାୟତ ଅନ୍ତର୍ଗତ ହରିକେଶର ଗାଁ ର , କଳା,ସାହିତ୍ୟ,ସଂସ୍କୃତି,ଐତିହ୍ୟ ଓ ଶସ୍ୟଶ୍ୟାମଳା ଭରା କୃଷିକ୍ଷେତ୍ର ହରିକେଶର ଗାଁ ମହୋତ୍ସବ ବୁଧବାରଦିନ ଉଦଯାପିତ ହୋଇଯାଇଅଛି। ଗାଁ ମହୋତ୍ସବ ପରିଚାଳନା କମିଟିର ସଭାପତି ପ୍ରକାଶ ଚନ୍ଦ୍ର ରାଉତରାୟ ପୌରୋହିତ୍ୟ କରିଥିବାବେଳେ କମିଟି ସଂଯୋଜକ ଅଖିଳେଶ ମହାପାତ୍ର ଅତିଥି ପରିଚୟ ପ୍ରଦାନ କରିଥିଲେ। ଏହି ମହୋତ୍ସବରେ ମୁଖ୍ୟ ଅତିଥିଭାବେ ସ୍ଥାନୀୟ ବିଧାୟକ ତଥା ଯୋଜନାବୋର୍ଡ ଅଧକ୍ଷ ରାଜେନ୍ଦ୍ର କୁମାର ସାହୁ,ମୁଖ୍ୟ ବକ୍ତାଭାବେ ଖୋର୍ଦ୍ଧା ଜିଲ୍ଲା ସେବାସମବାୟ ସମିତି ବ୍ୟାଙ୍କର ସଭାପତି ଅଭିଷେକ ସିଂ ସାମନ୍ତ ଓ଼ ସମ୍ମାନୀତ ଅତିଥିଭାବେ ବ୍ଲକ ଉପାଧ୍ୟକ୍ଷ ରମେଶ ଚନ୍ଦ୍ର ସାହୁ, ଜିଲ୍ଲା ପରିଷଦସଭ୍ୟ ସୁବାଷ ଚନ୍ଦ୍ର ରାୟଗୁରୁ ପ୍ରମୁଖ ଯୋଗଦେଇ ଜଗତରନାଥ ଜଗନ୍ନାଥଙ୍କ ପ୍ରତିମୃତ୍ତିରେ ଫୁଲ ଓ଼ ଚନ୍ଦନ ଦେଇ ପ୍ରଦୀପ ପ୍ରଜ୍ବଳନ କରି ଏହାକୁ ଶୁଭ ଉଦଘାଟନ କରିଥିଲେ। ଏହି ମହୋତ୍ସବ ପ୍ରାରମ୍ଭରେ ବଂଶୀଧର ସଙ୍ଗୀତ ମହାବିଦ୍ୟାଳୟର ଛାତ୍ରଛାତ୍ରୀମାନେ ସ୍ୱାଗତ ସଂଗୀତ ପରିବେଷଣ କରିଥିଲେ ଓ଼ ସଭାପତି ପ୍ରକାଶ ଚନ୍ଦ୍ର ରାଉତରାୟ ସ୍ୱାଗତ ଭାଷଣ ଦେଇ ଗାଁ ମହୋତ୍ସବ ହରିକେଶର ସମ୍ପର୍କରେ ସୂଚନା ଦେଇଥିଲେ। ବିଭିନ୍ନ କଳା କାର ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମମାନ ଅନୁଷ୍ଠିତ ହୋଇଥିଲା। ଏହି ମହୋତ୍ସବକୁ ବହୁ ଦର୍ଶକ ମନଭରି ଉପଭୋଗ କରିଥିଲେ। ରାଜ୍ୟସରକାରଙ୍କ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗଦ୍ଵାରା ରାଜ୍ୟସ୍ତରୀୟ ବହୁକଳାକାରମାନେ ଏହି ମହୋତ୍ସବରେ ବିଭିନ୍ନ ନୃତ୍ୟ ପଦର୍ଶନ କରିଥିଲେ l ସମ୍ବଲପୁରୀନୃତ୍ୟ ଦର୍ଶକଙ୍କ ମନମୋହିଥିଲା l ମହୋତ୍ସବ କମିଟିତରଫରୁ ମୁଖ୍ୟ ଅତିଥି ଶ୍ରୀ ସାହୁ ଓ ମୁଖ୍ୟବକ୍ତା ଶ୍ରୀ ସାମନ୍ତ କୃତିପ୍ରତିଭା ମାନଙ୍କୁ ମାନପତ୍ର, ଟ୍ରଫି, ଉତ୍ତରୀୟ, ପୁଷ୍ପଗୁଚ୍ଛଦେଇ ସମ୍ବର୍ଦ୍ଧିତ କରିଥିଲେ l ଗାଁ ମହୋତ୍ସବ ଦ୍ଵାରା ଗ୍ରାମାଞ୍ଚଳର ଲୋକକଳାର ବିକାଶ ହେବା ସଙ୍ଗେ ସଙ୍ଗେ ଭାଇଚାରାର ସମ୍ପର୍କ ବୃଦ୍ଧିପାଇଥାଏ ବୋଲି ମୁଖ୍ୟ ଅତିଥି ବିଧାୟକ ଶ୍ରୀ ସାହୁ ସୂଚନାଦେଇଥିଲେ l ପରିଶେଷରେ ସଭାପତି ପ୍ରକାଶ ଚନ୍ଦ୍ର ରାଉତରାୟ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l
(ରିପୋର୍ଟ-ସୁଶାନ୍ତ କୁମାର ପ୍ରଧାନ)
