ବୁଦ୍ଧଖୋଲ ଉନ୍ନୟନ ସମିତିର ନୂତନ କର୍ମକର୍ତ୍ତା ଚୟନ
ବୁଗୁଡା : ପ୍ରସିଦ୍ଧ ପର୍ଯ୍ୟଟନ ସ୍ଥଳୀ ବୁଦ୍ଧଖୋଲ ପାଦଦେଶସ୍ଥ ଜନ ସୁବିଧା କେନ୍ଦ୍ରରେ ବୁଦ୍ଧଖୋଲ ଉନ୍ନୟନ ସମିତିର ଏକ ସାଧାରଣ ବୈଠକ ଅନୁଷ୍ଠିତ ହୋଇ ନୂତନ କର୍ମକର୍ତ୍ତା ଚୟନ କରାଯାଇଛି । ବୁଦ୍ଧଖୋଲ ଉନ୍ନୟନ ସମିତି ସଭାପତି ତଥା ମତ୍ସ୍ୟ ଓ ପଶୁସମ୍ପଦ ବିକାଶ ମନ୍ତ୍ରୀ ଗୋକୁଳାନନ୍ଦ ମଲ୍ଲିକଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକ ଅବସରରେ ଟି.ସଂଜୀବ ପାତ୍ରଙ୍କୁ କାର୍ଯ୍ୟକାରୀ ସଭାପତି , ଗଙ୍ଗାଧର ନାୟକଙ୍କୁ ଉପସଭାପତି , ସୁରେଶ ଚନ୍ଦ୍ର ଦାଶଙ୍କୁ ସାଧାରଣ ସମ୍ପାଦକ , ହରିକୃଷ୍ଣ ସାହୁଙ୍କୁ ସମ୍ପାଦକ , କେଦାର ନାଥ ମହାରଣାଙ୍କୁ ସହସମ୍ପାଦକ , କୃଷ୍ଣଚନ୍ଦ୍ର ମହାପାତ୍ରଙ୍କୁ କୋଷାଧକ୍ଷ , ଓ ଗଙ୍ଗାଧର ବିଷୋୟୀଙ୍କୁ ସମୀକ୍ଷକ ଭାବେ ଚୟନ କରାଯାଇଥିଲା । ଏଥି ସହ ଧରଣୀ ଧର ପଣ୍ଡା , ଏ.ଚନ୍ଦନ ଚର୍ଚ୍ଚିତ ପାତ୍ର , ଗୌର ଚରଣ ପ୍ରଧାନ ଓ ପଞ୍ଚାନନ ସାହୁ ପ୍ରମୁଖଙ୍କୁ ଉପଦେଷ୍ଟା ଭାବେ ମନୋନୀତ କରାଯାଇଥିଲା । ତେବେ ବୁଦ୍ଧଖୋଲ ଉନ୍ନୟନ ସମିତିର ଉକ୍ତ ନୂତନ କର୍ମକର୍ତ୍ତା ଗଠନକୁ ନେଇ ସାଧାରଣରେ ଭିନ୍ନ ଭିନ୍ନ ପ୍ରତିକ୍ରିୟାମାନ ପ୍ରକାଶ ପାଉଥିବାର ଜଣାଯାଇଛି ।
